المشاركة الأصلية كتبت بواسطة خطاف



شاعرنا هو أحد أعلام الشعر شاعر بدأ بخطوات واثقة أنة الضاهرة الشعرية أنة شاعر الجزالة الحقيقية في قصائدة المليئة بالمعاني .......هـــــــــــا هــــــــــــــو
الشاعر والأعلامي/ نايف بندر الغنامـــــــي
واليكم بعض من مقتطفات شعرة:
ياشاعر تفخر بمنطوق قولك
الشعر ماهو للرجاجيل مقياس
أفخر بدينك وأفتخر في رسولك
وأعتز بأخلاقك وطيبك مع الناس
لاتفتخر بأفعال ماهي فعولك
حتى ولو قلت إنك معرب الساس
الطيب ماهو بس عندك وحولك
الطيب مع كل المذاهب والأجناس
*********************
يابن آدم الدنيا ماهي فلة حجاج
لوغازلتنا بالعيون النواجل
تبقى السجين اللي على حروة افراج
والوقت لايرحم ولاهوب خاجل
الاثرياء بشوت وأرقام وابراج
ورغباتهم مابين سري وعاجل
وتلقى حراويهم منافق وهراج
ناهيك عن شلة شويعر وداجل
لاتستضيق ان عشت كادح ومحتاج
الفقرفـــــ الغالب ضريبة مراجل
**********************
عرضتني سود الليالي والأيام
وأخذت لي في عالم الحب جوله
عزالله أني همت في حبك هيام
وسويت لك في دولة الحب دوله
ماهي بلحية ساهر الليل مانام
النوم بعض احيان ماني بحوله
قدام ياراع المواعيد قدام
لين الغرام تعاف عرضه وطوله
بعض المحبه مثل تفكير الاثام
وبعض العداوة طيب راس ورجوله
**********************
لي ثلاث شهور ماني مستريح
ضايق وأحس في صدري كلام
يالله اني في ذراك عن المطيح
وعن غضبك وعن مواجيب الملام
ياجبل قامت تهزك كل ريح
لاعليك ولاعلى الدنيـــــــا سلام
************************
لوطموحي مثل مايطمحون الربع
كان يمدي وصلته يافهد من زمان
بس انا لي ثمان سنين مدري سبع
اتكابر مكاني لين ضاق المكان
**********************
ه






صح لسانك يانايف هاذا هو الشعر على اصوله بس مالك لايم خوالك ذي ساير