اقتباس:
المشاركة الأصلية كتبت بواسطة الشاعر سلطان براك الغنامي
هذي القصيده موجهه للصديق العزيز
الشاعر سلطان براك الغنامي
=================
يهل الونيت اللي مشا العصر عجلان==
من شركة التا مين سكر حــــــــــــــــسابه
سكـــــــــــــــرفــــــــــــــواتيره محمد سليـــــــــــــــمان ==
مـــــــــــــاله مطالــــــــــــــب لو يطــّول غيابه
تريضو للي مــــــــــــــــن الوقت زعـــــــلان==
حــــــــــــــداه وقــــــــــته ليـــــــــــــــن نــــــــوخ ركابه
وتجـــــــــــملوبه وصل الخــــــــــــط سلطان ==
النــــــــــــادر اللــــــــــي من نوادر عــــــــــــــــــتابه
حــــضرة جناب اللي له الطيب عنوان ==
عــــــــــــــلى الوفا والطيب حـــــــــــــضرة جنابه
ماشــــــــــــــــــــــــــال هرج فلان وفلان لفلان==
ولاقـــــــــــــــام مــــــــــــن عــــــــــــند الرفيق وحكابه
يفــــــــــــــرح بضيفً جا من البعد تعــــــــــبان ==
في مجـــــــــلسً مفــــــــــــــتوح ما صــــــــك بابه
وقـــــــــــــــــولوترى حـــــــــنا بني عــــــــــــــم وخوان ==
واللـــــــــــــي بعــــــــــــــــد هـــــــــــــــذي ترانا قـــــــــرابه
والبيت ماياقف على غـــــــير عـــــــــــــمدان==
والنــــــــــــــــــــاس فيها فـــــــــرق لوهي تشــــــابه
وكــــــــــلاً بخـــــــير وكل عـــــــــودن بدخان ==
ومن ضاع عن درب السنع ما مشابه
وشلون أبا أرضا عن زماني ليا شان ==
وتعــــــــــــــذر الكاتب بكــــــــــــثر الكــــــــــــــــــتابه
وجا للــــــدهر عدت معاوين وعــــــــــوان ==
وتقــــــــــــــدم الجــــــــاهل وجا با النـــــــــــيابه
وتشــــابهة حـــــــسنت قليلين الاحسان ==
والوقــــــــــــت مما فيه غــــــــــــــــــثرب شرابه
وقدقالها من قبل عــــــــــــــامر شعيفان ==
دنياك ماتسوى جـــــــــــــــناح الـــــــــــذبابه
وأنا لياصــــــــديت ماني بخـــــــــــــــــــسران ==
من لاحسب لي قيمتي ويش أبـــابه
الشاعرمبارك العتيبي
وهذا ردسلطان
يامـرحـبــاً ترحيــبــتٍ تـــجــل الأحــزان
بــراع الونيـت وخـطه اللـي لـــفـــــابــه
يــقـلـط عـــلــى هـيـلٍ وبـنٍ وخــرفـــان
ويــامـــرحـبًا بالضـيـــف وألـفٍ هـلابه
جـانـي بــــــخـــطٍ فــيه درٍ ومـرجـــان
يـغـوص في غـــبـت بـحـر مـن قــرابه
لوحة شرف يـظهـر بها عـــدة ألـــوان
واللـي رسـمهــا كـل لــون اعـتــنـابـه
مـبـارك بــن حسـيــن غـنا بالألحــان
ولـبـس الحـزام وبـنـدقـه والعــصابــه
عنده علـومٍ ماتـــــــقـدر بالأثـــمــان
وعلى ظروف الـوقت عنده صــلابـه
وافي ومن ربعٍ لهــم فى العرب شان
ربـعٍ بـســـاعـــــات اللـــوازم ذيــابـه
شاعر يجيــد الشعـر فـي كل مـيـدان
والسـوق يـعــرف سلـعـته من شرابه
أخــوان يا مــبارك بـني عـم جـيـران
ونـمشي على نـهـج النبـي والـصحابه
سالم وغــانــم بــيــن مسلـم وسلــمان
وقــال الــمـثـل من وصل العـلم جـــابه
ترسي جـــبال طويـــق لو كان مـا كان
وتـمـــر صلــــفـــات الــهـو ما درابــــه
وغــلــيص لــوح فــوق ناقـــة عـريـمان
احــفــى سمـاريـها وضـــيـــع شـــبــابـــه
حــدر بـــهـا مابـــيــن عـرجــا وجمــران
وغـلـيـص مـــال احــــدٍ بـراســـه طـــــلابه
لا هانـــت الـــفاطــــر وأبــو راس لا هــان
عـــنـــده لــزوم وكـــــل وادي نــــــحابــــه
والــهــرج لــه زبـــده و للـعــــلـم بــرهـــان
والـوقــــت فـيـــه الـــيـوم بـــعـض الغـرابـه
شعر سلطان بن براك الغنامي
صحت السنتكم
شعراء كبار
تحياتي
09-07-2012, 04:56 PM
تعليمات المشاركة
المواضيع المتشابهه
