الهاجس اللي ماج راسي نهار أمس=أقبل عليه الليل والليل دامس
ساعات أغنّي له وساعات ب الهمس=أخاف آسبب في سموعه تلامس
أقول هوّنها على الخاطر العمس=ويقول من قبلك ياكم راس عامس
ياما بنيت الحلم في مفرع الشمس=وأصبح عليه من الذواري طوامس
أحيان اقول الحلم في راحة الخمس=وأحيان لاوالله على يدين حامس
وأحيان ادوّر له ولا عاد له رمس=وأحيان اشوفه والعواذل تهامس
ياليت يقربني على حروة اللمس=والا يوادعني وداع المخامس !