طالبك طلبه يالهجوس المناديب=كفّي عن النفس الحزينه عللها
الوقت شان وبان فيه التعاجيب=خلّى النوايف تستوي مع سهلها
وقتٍ غدى لمروجين الاكاذيب=صافح وسلّم للنميمه واهلها
والصدق فيه معذّبٍ خير تعذيب=في حفرةٍ دارت عليه ونزلها
والمال عدّى بالردي للمراقيب=يامر وينهى بالدراهم شعلها
والطيّب اللي ذاخرينه هل الطيب=ماتت سنينه والبلاوي حملها
ناسٍ نست فعل الكرم والمواجيب=يثور في طرد المصالح جملها
لاخير في وقتٍ فرق بالاصاحيب=ولا خير في دنياٍ تسارع عجلها
صلوآ على اللي جرب الدين تجريب=اعداد ناسٍ سافرت من حللها
نبيّنا اللي مرسلٍ بالمكاتيب=خلى عقول الناس تنسى جهلها