المشاركة الأصلية كتبت بواسطة ابو رامي
سامي اول شي الله لايوفق وزارة السياحه المتخلفه اللي بدال ما تقدمنا رجعتنا للخلف
وثانيآ شي الله يعطيك العافيه على ها الهديه السياحيه الجميله
وثالث شي اعرفلي الطريق اللي يودي لها الموقع لأني مارايح اعذرك لين توصلنياه مهما كلفك الأمر من وقت وجهد بلا اشغال بلا خرابيط نبا نجلس حياتنا كلها نكد على الفاضي
ورابع شي اذا وديتنياه وديتك الديسه مناظر خلابه وعيون تنبع من الجبال ومسويتن نهر صغير
وخامس شي راحت كنها قصيدة كليب وصيته للزير
سامي احترامي وودي وتقديري لك ولموضوعك الراقي الجميل الله يحفظك
ابشر يابو رامي الطريق معروف متر متر زنقه زنقه لاني رحت للموقع هذا اكثر من خمس مرات واوديك أله بدون اي معاذير وبعد فيه مواقع خلابه وزانه مثل بحيرة العرضيه وهي مصنفه من افضل البحيرات في العالم وفيها من الصيد مالذ وطاب من رهو وقماري وشحيميات وش رايك يابو رامي ماقطعت كبدك
والديسه اللي في تبوك هناك والله من المناظر فيها وسعة الخاطر
وتراني يابو رامي من هواة المشاوير والدوجه في ربوع بلادي ولو العمل يسمح للاجازه الخارجيه كان رديتها مثل مشاوير ابن بطوطه
ولك الشكر لمرورك المميز والمشرف يابو رامي