المشاركة الأصلية كتبت بواسطة مــعــدي الـغـنامـي



السلام عليكم

هذه القصيدتين للشاعر براصي ابن ساير ابن نافه

الله يرحمه

ياسابقي عدي بروس المزابين _- ورمي بصوتك للربوع الحشامي

ترجي الله والعيال المتاقين _- حمدان ومحمد وهاضل ونامي

وانخي عريمط والربوع المديحين _- وانخ العيال امشهرين الاسامي

حفظتها ياعنك عند المجانين _- ولها على سمو المقاطي ملامي

لاني بقوماني ولاخابرن دين _- لاكن جات من القبيله هيامي

القصيده الثانيه

ياسابقن لي من طويلات الابواع _- تقطع رهاريه الخلا ء بالشليلي

ضيعتها مابين حايف وطماع _- في ديرتن فيها يضيع الدليلي

لوانها راحت على بعض الاسناع _- ماكان ياهلال تبحث حفيلي

ماقدر المولى على العبد ياالصاع _- ياتيه لوعدى براس الطويلي

وسلامتكم واذا كان لها قصه فالعلم عند ابو رامي


بيض الله وجهك يابو ثامرما قصرت والله يرحم براصي ويعفو عنه والقصيدتين اطول من كذا وانا ابا احاول اجيب اللي اقدر عليه
قصتها ذلول أمنها عند واحدن من المجانين من المقطه واعطاه عليها جنيه دخاله لاكن المجنوني طمع فيها وباعها والاسماء اللي ذكرهم براصي رحمة الله عليه كلهم من المجانين جماعة السارق ولا قصرو تبعو الذلول بذكرها لين وصلت وادي الدواسر ولم يعثرو عليها واعطو براصي بدلآ منها هذا اللي انا اعرفه عن هذه الواقعه والله اعلم