.. من مدى لأكسجين !!
.
.
يابريء النوايا والطعون انت وين !
............. صرت تصغر وتصغر في المدى لين غبت !
ياعظيم المبادي يا الطليق السجين
............. امنياتك حضنت شموعها لين ذبت !
شفني اهذي واقول الصمت حبله متين
............. لين تهت بخيوط السالفة وانّكبت
احمل اوجاع قلبي من مدى لاكسجين
.............وارجع بصمت افركش عتمتي لا تعبت
ينشف الحبر والمعنى بقلبي دفين
............. ياكثر ماكتبت وياكثر ماشطبت
تسكب الذاكرة غربة وينبت حنين
............. ليتني كل ما اكتب شي احسه كذبت
ودي ابدا بشي ولا ادري ابدا منين
............. كل ما ابعد عن الضيقة نسيت وقربت
داخلي طفل ماله ذنب يصرخ حزين :
.............ودي العب واغني من متى مالعبت !
ما انتبهت لوجوده لين شفت السنين
............. تخلف الحسبة اللي قبل تقفي حسبت
طار سرب القطا وافترقوا العاشقين
............. في دفاتر (........) غريب انكتبت
روّحن واتركني في رجا الراحلين
............. ودّعني صغير وشبت منهن وتبت !
.
.
.
.
.
تنويه : ( مدى و أكسجين ) قسمان في احد المنتديات .
..
>> lk l]n gH;s[dk !!
التعديل الأخير تم بواسطة : سلطان مطلق الغنّامي بتاريخ 03-07-2011 الساعة 09:13 PM