الغيــــــــاب
ليش غبتي عن عيوني يابعد كل البنات
والله اني من غيابك مابقى فيني صبر
كل ليل يمرني ارجع وعيد الذكريات
ثم اموت بليلتي مره وثنتين وعشر
اه ياحلمن تلاشى بين كل الامنيات
اه ياعمراً ذبل وقفى على متن الخطر
اه ياعينً مصاحبـــها سهرها ماتبات
ماتهنــى بالــمنام ولاتـــهنـى بـالنظر
بس محمره وتنزف دمعها مثل الفرات
ومن نظرني قال هذا لاعبن فيه السهر
مادرو عن حبك الي نابتً فيني نبات
ازهرت منه المحاني ثم قامت تفتخر
وستمد العقل من حبك مع الدم ذبذبات
ليـــن كــوشتي على عقلي ولامنك مفر
زادت المده عن المعقول ياحلا السيدات
الغياب ان زاد عن حده ترى ماله عذر
التمادي كان هو وداك لبحور الشتات
من يردك لاوقفتي على غبــت بحر
كان ماردك حنيني وشوقي والسكات
يمكن يردك حنيـــنك بعــد كمن شهر
بس يمكن لارجعتي عضيم الشوق مات
مابقى غير الرمــــاد وعبــرات القهر
ثم بعدها وش يفيدك بعد مالفوت فات
ماتفـــيدك رجعتك لو رجعتــي ياقمر
hgydJJJJJJJJhf
__________________
سبحان الله وبحمده عدد خلقه ورضى نفسه وزنة عرشه ومداد كلماته