اول شي اشكر الاخ الكريم على ايراد بعض من سيرة الفارس الشاعر الأمير بخيت بن ماعز العطاوي هذا الرجل الصنديد عقيد القوم.
ثاني شي او التوضيح بالنسبه لبيت الشعر فالصح هو :-
طرد النظر ماهوب عيبا عليه 000 يوم اتمقل بنت ماضين الافعال
وبالنسبه انها مرت وشافها وطاح الفنجال.
فالصحيح ان الشيخ قاعد بن جرشان كان عازم بخيت يبى يضيفه يوم نزل عليهم هو وربعه
في وقت كانت ديرة البقوم مربعه ويعرف ان بخيت دايم التغزل في ساره بشعره غزل شريف
وقال ابن جرشان لساره الوازعيه وهي زوجته ابا اناديك ياساره واقول عطينا بهار للقهوه
ثم اطلعي علينا علشان اهزب بخيت ليا شافك وكانت امرأة جميله وكان بخيت وابن جرشان متراكين على الشداد ويوم ساق القهوجي الفنجال على بخيت تبينت ساره من ورا سناح البيت
وشطح بيخت بالنظر فيها وقال ابن جرشان اخذ الفنجال ياولد ماعز شوف عينك حظ غيرك
والفنجال ماطاح من بخيت زي ماذكر. وبعدها حصلت القصيده والقصه الباقيه.
للايضاح ولكم تحياتي وشكري على سعة صدوركم.