* * *
مشاعر أخويّة بين تركي الغنّامي والشاعر الكبير عبدالله السياري
كثيرا ما كان يلح الشاعر الكبير عبدالله السياري بدعوة الشاعر تركي الغنامي لزيارته ليقوم بواجب ضيافته ولم تتهيأ الفرصة لهذه الزيارة وعندما سنحت الفرصة وذلك بوجود مناسبة قائمة لدى السياري تجاهل الغنامي بعض مشاغله و جاء لزيارة السياري ونظم هذه الأبيات وهو في الطريق إليه
أجي لك يابوخالد لـو إنّـي وراي أشغـال=جلوسي معك ساعـة و هرجتـك تكفينـي
يمين الله المعبـود لوهـو علـى فنجـال=يـا كنّـك معشينـي و مصبـح مغدينـي
كثير الرجال لحال و أنتـه سنعـك لحـال= أبويـه علـى مثلـك لـك الله موصينـي
و أبحفظ وصاة الشايب إن كان عمري طال=بعد فيك كل الوصف قـد شفتـه بعينيـي
يا أبو مجلسٍ من جاه يلقى علـوم رجـال=مرب الشحم و الكيف و السمت و الدينـي
مداهل زحولٍ تنقـد الهـرج نقـد ريـال=هذا والله اللي صدق زيـنٍ علـى زينـي
أجي عندهم و أروح ما أوحيت قيل و قـال=و لا تسمع أذنـي غيـر علـمٍ ينشمينـي
طرايف علومٍ ما تجي عقب طـول جـدال=سياحة فكر عـن معمعـة عـام الألفينـي
جواب أبو خالد عبدالله السيّاري
هلا مرحباً بك يابوخالد عـدد مـن قـال=صـلاة العشـا ليقالـو أمـيـن أمـيـن
و عدد ما سعى بالصلح بين الرجال رجال=كثر ذا غلاك و مثل مـا أغليـك تغلينـي
أنا أشوف خالد(1) فيك بالطيب و الأفعال=إمشاهـدك ينفعنـي و هرجتـك تحيينـي
إلى شفت زولك شفت خالد حضر في الحال=أشوفـك وأشوفـه كلّكـم داخـل العينـي
ورثت الوفا و الجود من شايبك و الخـال=مواريث شيخانٍ علـى العسـر و اللينـي
ملاذ الضعيف إلى أشلهب الزمـان ومـال=على ذبح حيل الكـوم والضـان عجلينـي
هل الماقف المعروف يوم الشراب إوشـال=مطاعين فـي الهيجـا إنحـاز المعادينـي
إزيارتك للشايب وفـاً منـك يـا رجّـال=كمنّـك وفـيٍ مـن رجــالٍ وفييـنـي