تباني اعلمك انا غاسلن يديني منه يوم شفته يجمع الدفاتر كنه ورع لاكن رفيق ولا هي بمعيفتنا فيه نبا نصبر علاه ونتحمل لين الله يفرجها والبارح مرت على حالة الخربشه وقلت :
مســـــــري علــي له عدة ايــام مفقود ×××××× ومدري من اللي قالي شفته اليــــوم
وسط الحراج العصــر ويسوم ويــزود ×××××× وان شافله عفرى قعد يرفع الســوم
قالولي انــه ناويـــن يشـــــــــتري ذود ×××××× ما شفته بعيني مغار اسمع علـــــوم
مار انصحه ماهو على الدرس محدود ×××××× احسن يحط الذود فـــي جنب الأكموم
ويصير له شهره من اكبر هل القــــود ×××××× والحاشيه حوله شغاميم وقــــــــروم

طراه مدري ويش طراه
الا طراه ربيع تهامه اليوم شفت الاخبار والمصاريه يبا ينطقون عودهم والسرى والله ما ادري على من لاكن الله يستر على المسلمين وضبان حسله يقولون ظهرت والصيف ما جاء الظاهر ان حرارة الارض مرتفعه مثل حرارة المحيطات حتى القطبين الشمالي والجنوبي ساحة من الحراره والنخاله ارتفع سعرها مع الشعير والبرسيم تقول بينهن اتفاقيه وزيت العافيه صار اغلى من السمن البري والسبب ارتفاع حرارة الارض وظهور الضبان في عز الشتاء
لا تواخذني يابو فيصل تراني ليا جاتني الحمى رحت اهذري