شاعر متميز
تاريخ التسجيل: Nov 2010
الدولة: السعودية : المنطقة الشرقية .
المشاركات: 5,715
معدل تقييم المستوى:
20
هدية صقر مطيــر ...
هذه الأبيات أرسلها علي الشاعر فهد المطيري الملقب في منتدى الغنانيم
بصقر مطير بعد أن ألتــــــــــــقيــت به فـــي أحد المناســــبات لأول مرة .
سلام يالــشاعر اللي ذايعٍ صـــــيته ... من نسل عود عسى مثواه للـــــجنه
أشفق على شوفه ويــــاكم تمـــنيته ... واسمع صدى ذكره اللي صارله رنه
شفته وياليت فنجاله تقــــــــــهويته ... فنجال شعرٍ مابين الفرض والســنه
يوم ألتقينا يا سرع الوقت يالــــيته ... أمهل علينا وأخذنا علوم من كــــــنه
نورٍ على نور يا وجهٍ تحـــــــــــليته ... يضحك حجاجه قبل لا يبتسم ســـنه
بشوش وجه وفصيح لسان لوحيته ... ماغاب عن مسمعك لو مفردة مــــنه
موجز مشاعر لابن براك واهدـيته ... للفارس اللي يسوق الشعر ويــــــعنه
ورديت عليه بهذه الأبيات :
يا مرحبا بالجواب اللي تلقــيته ...عبر الفضا تقنيات العصر جــــابنه
يا شاعرٍ حفت فنجالك وصـبيته ...متعادلٍ ماه مع هيـــــــله ومع بــنه
سقته عليه وأنا بالمثل رديــــته... تقبل الرد من صــاحبك لو إنــــــــه
الرجل توخذ علومه منه في بيته ...شرف وصنع اليهود البعد يطونـــه
ضيفٍ معزب لابن براك لا جيــته... أرحب مع الشكر والعرفان والمنه
توسم الخير في وجهي وظنـــيته ...الله يجمل ويجــــعلني على ظـــــــنه
كتبت ردي حسب عرفي ودزيـته ...عبر الفضا تقــــنيات العصر ودنــه
i]dm wrv l'dJJv >>>
__________________
من صد عني عنه يا عبيد صديت ...
ومن لا اعتبرني فالعرب مااعتبرته
التعديل الأخير تم بواسطة : الشاعر سلطان براك الغنامي بتاريخ 01-27-2011 الساعة 02:12 PM