كل عام وخزرة عيونه الحلـوه بخيـر
خشف ريمٍ كل مالد لـي شـع اكثـره
واحدٍ يسوى قبيله وهو تـوه صغيـر
يسكن بقلبـي وطـن وبغـلاه يعّمـره
لو مااحبه مارسمته على سلك الحريـر
حاجب ورمشٍ طويل وخـدودٍ مزهـره
في مخيلته يسولف طفل ويـرف طيـر
في عيونه غابتين وسحابـه وسفـره
في جبينه بدوٍ ادرك عطشهم جال بيـر
قيلوا باطـراف خـده وماتـوا بثغـره
لاطوى لون المسا في جديله من عصير
هامت اسراب الفراش بزوايـا دفتـره
ليته ليا هـم ذبحـي كذيـا يستخيـر
يذكر ان العفو "سلطان" عند المقـدره
وانّي بدرب المواعيد مجهول المصيـر
احسب العام بثوانيـه ماهـو بـ اشهـره
واننّي عن بعض ناسٍ تفكر فيه غيـر
لانويت الفعـل جالـه نتيجـه وثمـره
حافظٍ عورات جاري مجير المستجيـر
طايعٍ لامي وابوي احمد الله واشكـره
>> ;JJJg uJJhlJ