شيابنا
السلام عليكم ورحمة الله وبركاته
اليكم هذه الابيات مشاركتاً مع من شاركوا, والله يستر لاتكون قريبه من العجن كما ذكر ابو تركي.
الا ياعين لو تبكين من ذكرى زمانٍ فات
وشوف الفرق بين اللي مضى واليوم معذوره
والاياصاحبي بفضح دموعٍ بيٌنت بسكات
وبشرح قصة عيونٍ تهل الدمع مجبوره
ليامني ذكرت مزيٌنين ديارنا اموات
عقب دارٍ وبلدانٍ بهم تزهى ومعموره
وهم شيابنا الي ودعوا ثم خلفوا عبرات
عبارٍ فالمحاجر بعضها ماشيف مستوره
ذكرت دروسهم تعطى لنا في مكسب الطالات
ويرجون الامل جعل الدروس بصخر محفوره
وفينا من حفظ درسه وصارت له فعول اثبات
وفينا من ترك درسه وشوٌه باطن وصوره
الا ياكثرهم فينا رديٍ والبعض نعات
على دربٍ يقدي للمراجل وافلح بشوره
زمانٍ فيه ياكثر العداوه مع حكي شمٌات
والاياقلهم عونك ليا ألحقك الزمن جوره
تحيزم بالقرايب والقرايب بعضهم عالات
تبي الفزعه واثرها لاكفاك القرب وشروره
تحاسدنا على الدنيا تردٌت عندنا النيات
ولاعادت بعيده تنتظر من صاحبك بوره
مشينا منهجٍ واحد (مصالحنا)ولو هي جات
بضد علومنا اللي قد درسناها ومذكوره
تفرقنا عقب وقتٍ يجمعنا وصرنا شتات
وصرنا نمشي دروبٍ بوقتٍ فات محضوره
عسى ربي يعافي شايبٍ يامر وله منهات
بقى ويرحم من اجسادٍ لهم بالارض مقبوره
والا ياصاحبي بتلوم جفنٍ ساهرٍ مابات ؟
وبتقول العيون إلها دموعٍ ليه مهدوره؟
اتمنى ان تنال اعجابكم
adhfkh
__________________
منتديات
قبيلة الغنانيم
التعديل الأخير تم بواسطة : وحيد الجزيره بتاريخ 01-13-2011 الساعة 08:13 PM