في أحد الأيام ورد الشاعر
فارس ناشي لدعيكان ثم بعدها انشد هذه الأبيات
يقول فارس ناشي:
وردت عــــد مكملــــين المواجـــيب ** دعيـــكان عد متيهــين الجهامي
دعيكان عد أهل الصخى والتراحيب ** يا جعل يسقيه المطر كل عامي
عـــد عليه الورد دايــــم حناديـــــب ** متخايرينه فــــي الشقا للظوامي
يبدي رجال يدركون المواجيـــــــب ** لا زاد في خشم الضديد العرامي
عاداتهم كسابت المدح والطيـــــــب ** يفرحبهم راع القطــــيع الحيامي
القصيده تسع أبيات ولا يحضرني منها إلا خمس أبيات
ثم رد عليه الشاعر
كريم بن عبد
الله الغنامي قائلاً:
يالله ياللـــي تعلم السر والغـــــــــــيب ** أبدا بذكــــرك قـــبل مـبدأ كلامي
يا مرحبا بالخط ســــبعين ترحـــــــيب ** ترحيبت(ن) بتحيتــــي وحترامي
تسعة بيوت موضحات(ن) بترتيــــــب ** ما يلحق اللـــــي قالهــــنه ملامي
فارس سلالت مبعدين المطالــــــــــيب ** فريس خـــــــيل بوارديت مرامي
ماله عن الجدان مخرج وتجنـــــــــيب ** ماشن على نهج الرجال الحشامي
مركاضهم يشبع به الطير والذيــــــب ** يردون حوض الموت ورد الضوامي
ولهم على قب الأصايل تجاريــــــــب ** ليا حال من دون الوسيق العسامي
في ساعت(ن) يذهل بها العقل ويغيب ** ويكثر تنادب شاهرين الاسامي
يومن به المولود يطلع به الشــــــــيب ** نصف النهار وكــــنهم فالضلامي
ماهوب حذف(ن) بالحصى والمشاعيب ** باللي مضاربها تقص العظامي
سرد العواد معيبات الاصاويــــــــــب ** والا بـــحد مصـــــــقلات الحسامي
مضرابهنه يكسر العظم ويعــــــــــيب ** ان مات والا ما يـــــــعيش بسلامي
يا متيهت وضح(ن) تقلد دباديـــــــــب ** في ماقعن مافيه غيـــــــــر الادامي
ما جاه حواش الغنم صيده الذيــــــــب ** اللي للاهجـــها يحــــــــــط البلامي
وليا لحقتوا واسقين المكاســـــــــــيب ** يطيح شيخ القوم منـــــــهم شمامي
البلط حول من شداده بعد صـــــــــيب ** عليه عكفـــــــــان المخالب تحامي
وحـــــنا ليا جونا يبون المــــعازيــــب ** نذبحلهم حـــــــــــيل كبار جسامي
(........................................) ** (...................................)
وحنا ليا ضاع الدوا والأطابـــــــــــيب ** قصـــــــــــيرنا ودخيلنا ما يضامي
ومقطع العاني نشيله بلا ريـــــــــــــب ** فعلن ظهر ذكره جنـــــوب وشامي
وليا لحقنا (.............................) ** نردهن والمنــــــــــع والقتل حامي
وان جالنا عند القبـــــــــايل مطاليــــب ** ناخـــــذ طلبنا ما نوكــــل محامي
واللي ورثنا منه عذب المــــشاريـــــب ** عسا مقابرهم مساكــن رحامي
كم واحد(ن) يونس بقلبه لواهيــــــــــب ** من زود همه ما يجيــــــه المنامي
ويابن الرجال اللي تحدى الاصاعــــيب ** نشكرك في المبدا وعند الختامي
rwd]m thvs khad hgovhwd ,v] ;vdl uf] hggi hgykhld