اطلق عناني لشاعر/مبارك العتيبي
أن كان ناون بالجفاء والقطيعه
طالبك تاقف لك معي ربع ساعه
وقفة محبة شرع والا بديعه
مالي وراها قصد والا طماعه
بأعطيك قلبٍ فيه حبك طبيعه
غلاك في جوفه زرعته زراعه
أخذه عطا مني وخله وديعه
جعلك تروف وتعتني بالوداعه
وأطلق عناني وأرض ربي وسيعه
وأذكر كلام الله عن أهل القطاعه
ومن شال غياّ فوق مايستطيعه
لابد عن غيّه يجي به قناعه
والناس أحد تعصاه وأحدٍ تطيعه
وياحظ من خله على الوصل طاعه
وبعض العرب سهلاً على النفس بيعه
تقدر تبيعه مثل بيع البضاعه
وبعض العرب بيعه حرام وهزيعه
وفالنفس بيعه مثل بيع الجماعه
ومن لاحسب شوفك لقلبه ربيعه
تراه مالوفٍن سريعٍن ضياعه
H'gr ukhkd