درب الشقا
السلام عليكم ورحمة الله وبركاته
اقدم لكم هذه القصيده مسويها الآن
يــومن كــلــن بالمــنام متــهني
البارحه مانامت الــعين يسعود
مغيــرافـكر فـــي زمــانن غـبني
ونفسيتي يسعود ماهيب في زود
ســـودالليالي كــم وكــم عاقبني
الحــــال غادن ياولد كنه العود
ثـــلاث في دنيـــاي مــايفــرقني
الهم والهوجاس والحزن معهود
احــاول اتركهــن ومـــايــتركني
حبل الشقاوه في نواصي معقود
احيــان ضــيقة خـــاطري تمتحني
وقول اكيد اني من الناس محسود
كــم ليلتن منها العــيون اســهرني
ابــحرمــع الحــزان والعــالم رقــود
اســـج مع دنــياي وضــحك ووني
اضحك ولوماني على الضحك محدود
اجــــامــل الـعـــــالم بـضــحات سـني
احــاول اكسر حــاجز الصــمت وعود
اعـــــود ليـــامــن قــــديــمه مــضــني
لــكــن احس ان الامـــل شـــبه مفـقود
حـــزين وحــــزاني غـــدت جزء مني
حـبيتــها مـحــــبت الـــعــود لــــذود
اســرح مــع احــزاني وهجــسي وفني
وطــرب لياهــبت علـى راســي الــنود
اجـــر مــوالــــي بــلـــحــني وغـــني
وطرب مسامع كل من كان مـوجــود
ورق الحـمام بــصـــوتــهن جــاوبــني
ردن عــلي الصــوت من عــالي الـطـود
اســـمع لــهن وهنـه بعــد يــسـمعـني
متــقـاسميــن الحــزن والعــلم مــاكود
جـعل الشقـــاوه دربــهـــا مــايــثـني
ودرب الشقــا اللي مبتلن كل مقرود
الضامي
]vf hgarh
__________________
سبحان الله وبحمده عدد خلقه ورضى نفسه وزنة عرشه ومداد كلماته