معركه بين الجوابيح من الدعاجين وشمر ( قتل فيها غضبان بن رمال )


يذكرون شيابنا معركه بين عتيبه وشمر وهي مؤكده

الجوابيح من المعاليه فخذ من الدعاجين وهي مجموعه اشتهرت بالفروسيه ولها صولات وجولات في الشجاعه رغم قلة عددهم ولهم مرابط للخيل والابل وكان فارسهم ذلك الوقت رجل يقال له ذيبان بن هذال بن جوباح ومعه اولاد عمه حمير بن مناحي بن جوباح ومناحي بن هوشان بن جوباح ومعهم بعض الدعاجين من ذوي خيوط والمعاليه

يقولون صبحهم قوم كلهم فرسان في شمال نجد ويذكرون الرواه ان عددهم ستين فارس على خيول مصقلات ومدقلات ويقولون ان ابلهم تسد مذر عين الشمس من كثرها وان راعيها حشر بن ذيبان المذكور يوم شاف القوم انحاش وخلاها وزبن اهله وان الفارس ذيبان تقلد محزمه ولسوء الحظ ماحد عنده بندق هاك اليوم الا ذيبان ويذكرون انها صمعا اللي تحشى بالبارود

يقولون ان الغزاه وهم شمر قاموا يسوقون الابل من الحجره اللي كانت فيها للسهل وهم يمينها ويسارها عندما اوعز الفارس ذيبان لعيال عمه ان يقعدون بمضيق ضلعين متقابله وقال ان لحقني منهم احد سوقوا عليه شهب الرماح

يقولون ان ذيبان تعزوا بالعزوه وقام يحدي




خيل الخيل منا ومناخيل الخيل وانا ذيبان



يقولون الرواه انه غار عليهم ستة عشر غاره وهو يتدرق بالبل وانها كلها اللي ماهي في خيال كانت في فرس
وفي الغاره الاخيره وبينما هو يتدرق بالابل سمع صوت واحد فيهم يصيح ويقول

لا رحم الله ابو ذا الرميمات ماذبحكم الا سمي الكلب

يقولون انه شاف دقلة الفرس بين رجلين الابل وعرف انها فرس عميد القوم وهو يحرف الفرس وينحاش والفارس وراة ويقوم الفارس يرميه بالفرد ويقوم يتبطن بطن الفرس وينتبه ان الصمعاء مربوطه على فخذه وانها مزهبه وهو يرتكز ويسوقها عليه خلف خلاف ويقولون انها ضربت الصفره على جبهة الفرس والا ردها الا راس الفارس

يقولون ان شمر تجمعت تنوح على فارسها وهذا طبع شمر لا ذبح عميد القوم انهزمت

حسب الرواه ان الفارس هو غضبان بن رمال

وعند سؤالي لبعض العرافه من شمر قالوا انه احد شيوخ الجرباء وليس غضبان وان السالفه مذكوره لديهم وشيباننا يصرون على انه غضبان

سالفه مؤكده عند شيابنا وعند شمر


__________________________________





كون الصّواي بين عتيبة ومطير



وسببها أن رجلاً من مطير يقال له مانع الدودة من الحلف من مطير قتل ابن عم له

وجلا هو وأهله إلى الجذعان والسياحين فأجاروه وأكرموه


وقام كل بيت بإعطاه ناقه وجمعوا له حلالاً


وبعد فترة من الزمن دفعوا أبناء عم مانع دية القتيل وعاد أبن مانع إلى قبيلته مطير


ليرى الوضع وهل تم الصلح ورضا أبناء القتيل بالديه والصلح ؟


فأخبر أبن مانع بعض مطير أن الجذعان والسياحين


لديهم حلال كثير وهم منعزلين عن الروقه وباقي عتيبة


فلما أخبرهم تجهزوا مطير وكانوا بقيادة مطلق ابن الجبعاء الدويش والمريخي


وللأمانه لا أعلم من أي المريخات هل هو فدغوش المريخي أم غيره؟؟!!


فلما أقتربوا من منازل الجذعان والسياحين


كان هناك شخص من الشيابين حوّاف ومر على جيش مطير


وعلم أنهم سيغزون أقرب القبائل لهم وهم الجذعان والسياحين


فذهب لغالب بن حباب بن زريبه وأخبره أن قوماً من مطير


كثيري العدد مستعدين لغزوهم


فتجهز غالب بن زريبه بمن معه والتقوا هم ومطير في الصوايّ

وأنكسرت مطير بعد معركة شرسه

وأسر مطلق ابن الجبعاء الدويش والمريخي عند غالب بن زريبه

فأكرمهم وأطلق سراحهم

فقالت الشاعرة بركيه بنت مسلم السيحاني

قصيدة طويله للأسف لا أحفظ إلا هذه الأبيات :




بالغيث يا عدّ(ن) زمت لي هضابهأسقاك ربان السحـاب المراويـح
يرعاك شول(ن) كل يوم بحزابـهيقـداه جهيّـل العيـال المفاليـح
يا ليت من يوصل جوابي عتابـهمن فوق حيلن مبعدات المصابيـح
رجنا عليهم مثـل روج السحابـهمن فوق صفرن زاهيات اللواليـح
دوك المريخي نوّخت به ركابـهويقول أعانيكم على هبت الريـح
جمع الدويش اللي يروع التهابـهراحت أركابه يم حايل مشاويـح





في البيت الأخير تقصد حايل عاصمة ابن رشيد

لأنهُ حينما أنتهت هذه المعركه أمر ابن رشيد بغزوا عتيبة الروقه



وهذي قصيدة زيد بن حمدي بن فرحان السيحاني:





ياراكب من عندنـا فـوق عيـرهيشـدي هذيـل الذيـب هذيلهـا
ملفاك ابن شالح معشي هشال الخلاوالربعة اللي كلنـا نعتـزي بهـا
مدري بلاه الغيـظ عنـا غدابـةولا رعاب في ضميرة مصيبهـا
جانا عقيـد القـوم بياخـذ أبلنـاويحرم على العدوان دافي حليبهـا
وتسعين حرة عند غالب وربعـةواصبح عقيد القوم يشمت نصيبها
وذبحوا منا ثلاثة وذبحنـا مثلهـموحتيش يا عـذرا بكـت حليلهـا
وهجوا هجيج الصيد مع أرض فضاوخلـوا جنايزهـم يقنـب ذيبهـا
اخذنـا ركايبهـم وشـان فالهـموتعرضوا حر السمـوم ولهيبهـا







ابن شالح هو صنيتان بن شالح الضيط


وذلك عند إنتهاء المعركة ذهب عدوس بن زميم السيحاني ليجتمع مع صنيتان لأمر كان بينهما



فأخبره بما جرى في كون الصّواي


فقال صنيتان الضيط لم نسمع صوت بنادق ولا كان جيناكم




وهذا أبيات من قصيدة لمطيري يصف حالهم بعد الهزيمة وأخذ ركايبهم :






لا والله الا باد شرك نعاليوأنا مع العبلة ورى عكليه
خذوا ركايبنا محتمين التاليوعقب طمعنا مشينا رجليه
اليا سلم حامي ثبار التالـيارواحنا واسلاحنا عاريـه




_______________________