عجوبه
وقـتك هــذا يســعود كله عجــوبه
ودنياك هاذي كل يومن على حال
أحـدن فـلوسه مـالياتن جييـوبه
وحدن يــدور مالـقا خبز بريال
أحدن حيــاته كلـبوها صـعـوبه
وحدن حياته ماشيه عالي العال
وحـدن يـدور لـلاجـر والمثــوبه
وحدن يسوي ماطراله على البال
وحدن يخم الهــرج ماهوب صوبه
وحدن جلس في مجلسن بس ماقال
وحدن تــرا همــه شماغه وثــوبه
وحدن همومه كيف يجمع من المال
وحدن فـقـير وكلـبوهـم حــكــوبه
وحدن غني يقلط على حيل ودلال
وحدن كــريم وفيــه طيــب وذروبه
وحدن بخيل وعفن واعماله اعمال
وحدن مريض وعايشن في عقوبه
وحدن صحيح الجسم يمشي ويختال
وحدن عصى الله وستمر في ذنوبه
وحدن مطيــعن ربه بكل الاحــوال
وحدن غريـب الدار همــه يلـوبه
وحدن بــداره مــاتحرك ولا زال
والليل الاسود واجد الي سروبه
ليازل نصف الليل ياطيب الفال
الضامي
u[,fi
__________________
سبحان الله وبحمده عدد خلقه ورضى نفسه وزنة عرشه ومداد كلماته