كنت في حصة القواعد عند الإستاذ

كان الدرس عن الفاعل والمفعول به

طلب مني الإستاذ

وضع كلمة الطالب كمفعول به في جمله مفيده

قلت: ضرب المدرس الطالب

ثم طلب مني وضع كلمة الطالب كفاعل في جمله مفيده

قلت: ضرب الطالب المدرس

وبدأت أصوات الضحك وسط الفصل

من الطلاب

جلس الإستاذ يهزئني

بحجة إني مستهتر وغير مهتم مع شوية غباء
وسحبني برقبتي إلى مكتب مدير المدرسه

والمدير كعادته وقفني عند باب المكتب

جلست حوالي نص ساعه عند مكتب المدير

إلا فيه وأحد كشخه ورزه دخل مكتب المدير


بعد عشر دقايق طلعو برا المكتب وجلسو يتكلمون

كان هالكشخه يقول : مستحيل ماعندكم غير طالبين
وأجانب بعد


وأنا كنت قالط معهم وقاط وجهي

وجالس أتسمع

شوي ويجيني المدير وكان معصب

قال: تشوف هالبلاط اللي موجود بالأرض

قلت: أيه

قال: أحسبه بلاطه بلاطه عشان تدخل فصلك

قلت: عدد البلاط 4789 بلاطه

قال : متأكد يالداج

قلت: أحسبها بنفسك بلاطه بلاطه
وشف كلامي صح أو غلط

وهالكشخه الرزه يجلس يضحك على المدير
والمدير إرتفع ضغطه

ويمسكني المدير مع رقبتي
ويسحبني عند لوحة على الجدار
كانت لوحة مزرعه

قال: فيه بقره موجوده بالصوره دورها لين أرجع لك

قلت: البقره إنحاشت للوحه اللي في مكتبك

قال : متأكد يالداج

قلت: رح دور البقره في اللوحه اللي في مكتبك
وتعرف أنا صادق أو لا

جلس هالكشخه الرزه يصفق بيده sd4

ويقول : هذا ما أبي غير هذا

ويدخلني المدير في مكتبه

ويعطيني ورقه إلى ولي أمري

أنا ضاعت علومي وتخربطت وجلست أرتجف

وعلقت على كلمة : أخره مره , توبه والله ما عاد أعيدها اخر مره توبه ما عاد اعيدها

قال: ياثور لاتخاف هذي ورقه عشان

ولي أمرك يوافق إنك تلتحق في مسابقة الموهوبين

في مؤسسة الملك عبدالعزيز

قلت: يعني أنا موهوب وفلتة زماني يعني

قال: لا أنت موهوب ولا فلته ياثور
من شروط المسابقه أن ترسل كل مدرسه
ثلاث طلاب وأقل شي يكون بينهم سعودي
والمندوب حق المسابقه إختارك ياثور

يوم إنتهى الدوام وطلعت برا المدرسه
وأنا أحذف دروسي ونعولي بالشارع
وأتوجه للبيت اركض
مبسوط أول مره أجيب لأبوي ورقه من المدرسه
مفيده وتبيض الوجه
بالعاده أجيب له أوراق تعهد أو فواتير درايش وشبابيك مكسوره






باسر او بعده او بعده او بعده او بعده او بعده نكمل الجصه قصدي القصه في الحصه الجايه

---

[gs hgYsjh` di.zkd