السلام عليكم ورحمة الله وبركاته


مما راق لــي .....
ساد الظلام وذعـذع النـود
وأمسيت أعيـد الاسطوانـه


وأخذت أطقّ العود بالعود
وأهـزّ غصـن الخيـزرانـه


وقطفت لي من كل ّ عنقود
مـا يتعـب الشاعـر عشانـه


يا هاجسي ماعنـك منشـود
من راهنـك تكسـب رهانـه


مدّ الوفاء والطيب والجود
على النقاء والشعـر أمانـه


لا تحسب إني غير موجود
جيتك معـي ختـم الضمانـه


بعض المحبّه مـا بهـا فـود
لا صـار مــا لـلـودّ خـانـه


دايــم يـقـود قلـوبـنـا قـــود
والوقت يا صعب إمتحانـه


يا بنت حبل الحبّ مشـدود
كــل ٍ يـتـلّـه فـــي مـكـانـه


قامت تمون عيونك السـود
ولا بيـنـي وبيـنـك مـيـانـه


لا قلت أحبك عندي شهـود
هـمّـي و دمّــي وإغليـانـه


كنتي لحالـك باشـة الخـود
وأشوفـك مـع الغـيـد دانــه


طيفك يجي ويروح ويعـود
أتابـعـه وأمـشــي وزانـــه


ودار الزمان ونقّص الزود
وضيّـق وسيعيـن البطـانـه


كـل الخطـايـا هيّـنـه كــود
بـيـع المشـاعـر والخيـانـه


تفضّلي مـن غيـر مطـرود
القـلـب مـغـلـق للصـيـانـه


اللـي لسانـه كــان معـقـود
الـيـوم صـــح الله لـسـانـه





الشاعر / سداح الغنامي

---

sh] hg/ghl ,`u`u hgk,]