الموضوع
:
امس الضحى
عرض مشاركة واحدة
05-17-2013, 04:03 AM
#
1
رائد العطاوي
كاتب مبدع
تاريخ التسجيل: Jun 2010
المشاركات: 862
معدل تقييم المستوى:
15
امس الضحى
امس الضحى
أمس
الضحى
عديت في نايف الحيد
مابين شعر وبين خشـم الفريـده
مثلي على المبـدا يحـده حواديـد
يصمد وراع الهـم مالـه صميـده
يسوقه الهاجوس سوق المعاويـد
كنّه بضيقه فـوق حـام الوقيـده
هـمٍ يقـدد ثومـة القلـب تقديـد
يهنيكـم ياهـل القلـوب البليـده
لو اني ارقد نومي بعض السلابيـد
ماشفت حالـي ناحـلٍ كالجريـده
النـوم للـي مايحسـب المناقيـد
ماهمـه الا كيـف يمـلا مسيـده
لاناطـحٍ قالـه ولا جايـبٍ فـيـد
واليا فتـح عينـه لقاهـا رغيـده
راحو وخلـوه الرجـال الصناديـد
قـرنٍ لحقتـه مابقالـه شـريـده
يوم الطمع دونه رمـاح وبواريـد
والنذل تنشب كلمتـه فـي وريـده
الحر يفـرس والحبـاري مجاليـد
يعرف بهـا الطيـب منيـا بديـده
مايعرفون ابها هل الحسد والكيـد
ولا يفتخر راع الرصيد ابرصيـده
وليا اختلف سلم العرب والتقاليـد
من مـات منهـم لا تعـده فقيـده
لو هو قريبٍ منك فرقا الردي عيد
جعله مـن الدنيـا يعّجـل شديـده
يعيش معزولٍ عن الناس ووحيـد
اخير من قـرب الوجيـه القريـده
يومنّي اذكر بعض الاحوال يا فهيد
الوقت جافـي والمـوارد زهيـده
وان حدّت الحاجه لبعض الرعاديـد
اليـوم ماينفـع عضيـدٍ عضيـده
نفسي معودها على الصبر تعويـد
والصبر نكسبّـه صفـاتٍ حميـده
وخير الكلام الذكر من غير تحديـد
مع خالص النيه وطيـب العقيـده
يقوله اللي مانشـد زيـد وعبيـد
فالمصحف الطاهـر لقـا مايفيـده
من طبّق اللي فيه نـال المقاصيـد
وسلك طريق اهل الحياة السعيـده
مايستوون اهل القشر والاجاويـد
الله فرقهـم فـي امـورٍ عديـده
قال اعملو تلقون ولكـم مواعيـد
اجل قصير ومن قضى اجله نعيـده
مرجاعهـم لله جمـوع وتفاريـد
والله بخلقـه يفعـل اللـي يريـده
دنيـاك مافيهـا حيـاةٍ صراميـد
زرع الفنا لابد لـه مـن حصيـده
من سار فالسكة وصل لآخر السيد
العبـد لابـد المنـايـا تصـيـده
تـرى المنايـا للبرايـا حواصيـد
والموت له مع كل نفـسٍ وعيـده
الرابح اللي من هل الخير وشْهِيـد
وادرك بحسن الخلق مرضاة سيده
حبلـه يـوّرد طيّبـات المواريـد
لا صار مع ربـه حبالـه جويـده
والحكم للي يبـدي الخلـق ويعيـد
هو ربنـا الواحـد وحنـا عبيـده
الشاعر / بندر بن سرور
المصدر:
منتديات شبكة قبيلة الغنانيم الرسمية
hls hgqpn
__________________
رائد العطاوي
مشاهدة ملفه الشخصي
البحث عن المزيد من المشاركات المكتوبة بواسطة رائد العطاوي
2
3
9
11
15
16
19
20
21
25
26
27
30
31
32
37
38
39
41
42
43
46
49
53
54
55
58
59
60
66
69
70