رد: مبروك هذا الصرح يالآد غنام
اقتباس:
المشاركة الأصلية كتبت بواسطة عزيز النفس
وعليكم السلام ورحمة الله وبركاته ..
اهلا ومرحبا بإبن العم ..
والمحل محلك وما يحتاااج ..
ونتمنى منك قبول هذه المتواضعه !!
هيضتني والله 
اعداد ما خطت على البيض الاقلام = يا مرحبا يالمحترف بالنيابه
هذا محل ٍ تجتمع فيه الاقرام = ولا يجتمع فيه الردي والزلابه
حنا جنود ٍ للقبيله وخدام = والسيف عزه ياولد من نصابه
ابنا عمومه كلنا ذخر غنام = ما نفترق لو كشر الذيب نابه
قدام يا ربعي هل الطيب قدام = الصقر ما راعه طنين الذبابه
وعداد ما ترفع على القصر الاعلام = يا مرحبا يالمحترف بالنيابه
وسلامتكم ..
.. |
اسلم سلم الصقر ماراعه طنين الذبابه / صح لسانك ولاهنت جزل ياعزيز النفس
اشكرك اخوي عزيز النفس على ماقلت وتحياتي لك يالغالي واستلم ماكتبته على عجل والمعذرة عن القصور مقدماً
إبك البقى بعداد ماصام صوام = وصح الله لسانك على مابدابه
وافي عزيز النفس ووفيت بحكام = وهذي عوايدكم ولابه غرابه
ترحيبة اهل الجود واحفاد الاكرام = يفخر بها الزاير وتعلي جنابه
هذا محلٍ مايجي فيه الاقزام = موقع قرومٍ بالمكارم تشابه
خذني معك ياصاحبي درع وحسام = ورثت من غنام ماشيء اهابه
والي لفى من شرق ولا من الشام = له مالنا والفٍ هلا ثم هلابه
سلمت ودمت وياعسى الطيب دوام = وصح الله لسانك على مابدابه
وسلامتكم ...
__________________
التعديل الأخير تم بواسطة : المحترف بتاريخ 04-16-2009 الساعة 06:18 AM