بسم اللة الرحمن الرحيم
اللة يصبحكم بالخير جميعا الموضوع للنقاش والحوار وابداء الرأي وللة الحمد مافية شي يخدش الحياء -كاتبة الموضوع نقلت مايدور بين البنات من نقاشات بخصوص الزواج واكيد كلامهن بين بنات جنسهن فقط وبخصوصية تامة -ونقلت الينا مايدور في افكارهن
يعني بلاش نتصور الموضوع ان فية قلة ادب او عيب --والي يقول عيب وفشلتونا رايح يجي يوم وتنخطب اختة اوبنتة وينادونها الشهود ويشوفون رايها بالخاطب موافقة والا لا
شرعا لها رايها بشخص معين ومن حقها---فما بالك بموضوع عام شايب ام شاب وكلام في الخفاء ولم يذكر اسماء او قبيلة او اصل وفصل الي ادلن برأيهن---
المهم ----رفع ضغطنا بعض....---نرجع لموضوعنا --من رايي ان الي تفضل الشايب تحسبة مثل تعامل ابوها يحن عليها ويدلعها واللي تبية يجيبة اذا كان يغليها وتشوف اخوانها الشباب كيف يعاملونها -هاتي -ودي- اغسلي-سوي شاهي-ولاتخلو الامور كالعادة بين الاخوة من نشوب بعض المعارك الشرسة والاصابات الخطرة والتي دائما مايكون نصيب البنت منها كبيرا بسبب فارق البنية الجسدية للاخ ولكن يجب علية الفرار قبل قدوم الام الغاضبة لموقع المعركة
ولهذا السبب تكرة الفتاة الزواج بالشباب وتمنى شايب ماتدري ان الشايب اذا كان زوج غير انة يكون أب مافية دلال وطلبات ملباة والعلوم اللي تعودتها من ابوها
ذكر لي احد الاصدقاء ان شايب تزوج بفتاة وصباحيتها وهو مصبحها عقب الصلاة تسويلة قهوة وتعجن وتسوي معفوس فطورة المفضل!!! والمسكينة تبي توضح انها عروس وصباحيتها ....أآأآأآآآآ-قال قومي ياللةومن اليوم ورايح بعد الفجر والفطور جاهز-واليوم الثاني رصت عمرها ماسوت لة شي ويوم فاض من المسجد ولقاها راقدة اخذها بشوشتها لين وقفهاعلى رجلينها وصبحها صباحية(شايبو منسية)ومنين تونسين (انا وش قلت امس)وانفصع عقلها تقمز من نومها لايكون اصبحها الصبح
باللة فية وحدة تبي زي كذا صباحية ولافية شهر عسل اليوم الثاني وهو عند النياق وياخذ اسبوعين وجاء -ومافية استقبال بالاحضان ولا فية رومنسية-يدنق يبيك تحبين جبهتة وخشمة بسسسس- انتبهي تضمينة لانةمايعرف هالامور وبيشيلك فوق ويرجد بك الصبة يحسبها هوشة--ومافية مولات ولابحر كل شي عندة (مالة لزوم)واذا كثرتي تلحين علية واوجعة راسة(صدقيني لو تجمعوا اطباء التجميل بالعالم ماقدرو يرممون شعر راسك الي نزعة بجلدة ولا وجهك الي راح شوربة واكيد من رعب الموقف بينفتق قلبك ----والنهاية تطررررردين القراطيس وسط المعاصير في القايلة