قصيدة لشاعر الكبير /فلاج بن عبدالله بن دخيل الله بن طايل بن نافه الغنامي شاعر غني عن التعريف له بصمته في شعره الجزل دائما وأليكم من جديده قصيده بعنوان (الكارثه)
هات القلم والعلم مع دربه علوم
علم وعراف العرب يكتبونه
تدرون وش الكارثه في هذا اليوم
العالم اللي علمهم يجهلونه
وأكبر مصيبه كان ماتقدر تقوم
اليا أنسدح حظك وزادت ديونه
وأكبر من الثنتين لاصرت محروم
ثم أختلف مشي القدم عن عيونه
وأم الكباير صحبة الصقر للبوم
المال خلى ماكر الصقر دونه
كم واحدن في عتمة الوقت مظلوم
عليه ثوبه قاصرن عن زبونه
عينه تشوف الدرب لكن منجوم
نجمن هل الارصاد مايعرفونه
وكم واحدن رجال في بشت وهدوم
واليا دخلته فيه سبعن تخونه
منت بعلى غرات الاجواد ملزوم
كلن بقايا للحم في سنونه
لحيه عليها ريحة الصبر والثوم
ولحيه طويله مار صدق محسونه
وكم واحدن في مامضى يجمع الدوم
قوته على مايجمعه من امتونه
واليوم كنه حاكم الفرس والروم
مايدري أنه ساس عرقه مهونه
لو أن أبه قسمن من الارض مقسوم
ويحرم على الانذال ماياصلونه
ويصبح شعاع الشمس مادونه غيوم
وكلن على شكله وكلن أبشونه
حتى أروبضة العرب تترك الحوم
وكلن على قيمة طيوره يجونه
بيتن ربيع وبيت مهوب مرحوم
صبخى وحساد العرب يسكنونه
يالله يامعبود ياحي قيوم
مدك ولا مدت يدين العفونه
وسلاااااامتكم
j]v,k ,a hg;hvem td i`h hgd,l