[tabletext="width:70%;background-image:url('http://www.gnanim.com/vb/backgrounds/20.gif');"]
الايا سحابا هيض القلب براقه = خياله حقاق ويبهج المسني الضامي
انا اخايله والعين شفقه ومشتاقه = وابي عسته لواني امشيي على اقدامي
الا وهني اللي هوى البيض ماعاقه =ولاذوقنه خرد الغيد الاسقامي
وانا لي وليفن كل مالد باحداقه = يوريني اصناف التعاذيب قدامي
ملكني بكثر الزين سبحان خلاقه =جماله بديع وكل شي منه سامي
ياليته يحس بما يعانيه عشاقه= وينظر بعين العطف ويحقق احلامي
الايا صغير السن ماعادلي طاقه = خناجر عيونك في الحشا جرحها دامي
هذا العاشق المسكين يشرح لك اشواقه = خف الله وعوضني على فايت ايامي
عليك العيون بصافي الدمع دفاقه = تهل العباير اسهر الليل مانامي
وش اللي يفيدك من عنا القلب واحراقه = معزم على قتلي لكن ارم يا رامي
والاياعبير المسك يا ورد في باقه = تغذي خلايا الروح يا ورد يا شامي
وانا اللي سبا عقلي غناجه وطوراقه = وخدا مثل نور القمر و النهد زامي
وباشكي لمسرع من جفا الزين وافراقه = تغربلت تكفى يا ابو فوازيحزامي
وانا خابرا يمناك بالطيب سباقه = خويك خويك لا تخليه ينظامي
الايا وجودي وجد من وخذت انياقه =خذاها عقيد مثل صاهود ابن لامي
بغا ينثني من دونها وكسرو ساقه = وقفوا على ذوده وهو طاح ما قامي 0
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::
الشاعر عواض عوض
| [/tabletext]
hghdh sphf idq hgrgf