ياليتنـي مارحـت لـكـن مطـفـوق
ولا شفت شي(ن)منـه ياشيـب عينـي
شفت الشباب الي على مدخل السـوق
الثـوب ضيـق والخـوافـي تبيـنـي
وجوال ابو كامين والـراس مفـروق
ويضحك لـو انـك قلتلـه ياضنينـي
واكبر مصيبـه بـدو ونـا ولـد روق
وادها, وامـر عـن العمـل عاطلينـي
الزاد حمضيات مـع بيـض مسلـوق
يـا الله انــا زابـنـك لا تبتليـنـي
وش باقي(ن) للبيض من كشخة الـذوق
يابنـت مابـه رجــل لا تستحيـنـي
وش مصلحتك من اقشر(ن) طبعه البوق
يسري ليـا شـاف العـرب نايمينـي
مسرا عفانـه ماسـرا يكسـب النـوق
الكسـب لـمـه كلمـتـه فطريـنـي
هذي نصيحه والشريفـه لهـا حقـوق
يابنـت يابنـت الرجـال اسمعيـنـي
شومي وعفي واطلعي بالشـرف فـوق
قـدام عرضـك ينفضـح للقطيـنـي
هذا وفـي ماشفـت غنيـت طـاروق
ليا صار في ماشفـت تقصـر يدينـي
والكذب قولت كـل مطـرود ملحـوق
ومـن قـال كـذب يـدور الميتيـنـي
راحو هل الطـالات سابـق ومسبـوق
وحنـا عسانـا الهـم مـن التابعينـي
قصيدة للشاعر / محمد بن ذاكر الغنامي
vhp, ig hg'Jhghj shfJr ,lsfJ,r