السلام عليكم
بعد غياب رجعت لكم ولكن ماغبت الا بسبب بعض الظروف


اليوم جايب لكم قصيده غزليه

اتمنى تعجبكم


القلوب البيض غطا عليهن الســــــواد## والكبير يلاقي اهانته عند الصبـــي

والبلد تطغا عليه المشاكل والفســــــاد ## والدلال ونجرهن صارن لســـود العبي

والعرب تبرم عقود من انصار الموساد## كلها مطلع قصيده ولاهـــــــــــي مطلبي

مطلبي من صابني سهم حبــــه بارتداد## واستلم عقلي وروحي وسابينــــي سبي

من عرفته ماهنت عيني بحلو الرقــــاد## بس اهوجس وابدع القاف وافتل بشنبي

ان بغيت اكلمه راح عنــــي بالعنــــــاد## والتفت يمي يقول انت منــــي وش تبي

قلت انا هاوي وصالك خذ العلم الوكـــاد##نعنبو حظن رماني على حــــــــب اجنبي

العلاقه مع هللك بالصباح وبالهجــــــاد## من قديــــــم العصر حربن ونارن تلهبي

قال انا ودي بقربك واخــــــاف الابتعاد## وتوني على الهوى وانت رجـــه واشهبي

قلت انا من سود الايام ماذقت البـــراد ## وان بغيت الحظ ينهض تثنــــــى ويحبي

انتظر وقتي على عاد راح وراح عـــاد## من يبي قربي نصيتـــه ومن راح يهبي

رافعن راسي على فوق وانا بالمهــــاد ## ماخفظته غير مع ذكر ربــــي والنبـــي






.

---

hgrg,f hgfdq