قصيده لشاعر العملاق /فلاج بن عبدالله بن دخيل الله بن طايل بن نافه الغنامي
شاعر غني عن التعريف
حملة وقالوا داخـلٍ بطنهـا الفيـل
وولدةوجابة نص بيضـة دجاجـه
وقالوهنياله يبـا يشـرب النيـل
وعود بجال البحريشـرب هماجـه
وقالو يجيه الغيث جيلٍ بعـد جيـل
والغيث عـود فالحقيقـه عجاجـه
شوف الرعد يرعد والا يمشي السيل
والوقت يـدرج والبلـى بادراجـه
وقالو حلمله حلم في تالـي الليـل
فرخ الحرار اصبح فروخ الزراجـه
وكبر براس الماذنـه قبـل تهليـل
وكلٍ ركب راسه وراحـت لجاجـه
ولف الرشا من فوق حدب المحاحيل
وفارق لذيذ النوم عقـب ارتهاجـه
وليا بغيت تسوق بيـض الفناجيـل
تحرم على اللي مايرحـب حجاجـه
واليا نصيت انص الرجال المشاكيل
أياك وأيـا النـذل يطريـك حاجـه
واليا وطاك ومن الليالـي غرابيـل
الصبر مفتـاح الفـرج وانفراجـه
ولو شوف عينك مثل شوف الدرابيل
ليا مرض قلبـك صعيـبٍ علاجـه
لا بـد دورات الليـالـي مقابـيـل
تلعب بصاحبها كمـا لعـب عاجـه
الجدي ماهو مطلعه مطلـع سهيـل
وهرجٍ بـدون اثبـات رده سماجـه
والبدر ماهو بشبه النجم ابـو ذيـل
الجهل ظلمـا والمعرفـه سراجـه
والدرب واضح واثر خيلٍ بثر خيـل
يدلـه الشـاوي مربـي نعـاجـه
وعندي كلام الطيب من الرجاجيـل
مثل الذهب مخزون وسط الزجاجـه
والا الردي دايـم علومـه دهاويـل
مثل المحرج وسـط لجـة حراجـه
والحيل لله ثـم للـي لـه الحيـل
اللي اليا ثقل الحمـل عنـه ماجـه
والا الضعيف ستر عينـه مناديـل
نوب ٍ بها مسلـم ونـوبٍ خواجـه
الكحـل يعبـا للعيـون المظاليـل
والشب هو طب العمـى والعواجـه
اختـرت مايختـار زيـن التماثيـل
سيسـت بنيانـه طويـلٍ سياجـه
قافٍ وعن نقد اللواعيـب ماطيـل
وكلٍ علـى ماقيـل يلقـا خراجـه
fgh uk,hk