ألا عـلى طـار الـهوى والـمغـازل
وين أنت يالمجمول ياراعي الذوق
سـهم الـمحـبه مـعك طـالع ونازل
حـاول تـقفـل نـسبته يالغضي فوق
والا كــتبـت عـن الـمحـبه تـنازل
مـالـي ومال أسهمك ياباشة السوق
حـتى إيـش لـو إنك رفيع المنازل
وأهـلك في وقتٍ مضى تحتم النوق
الـناس يـاعـذب الـسجـايـا مـنازل
ولا كـل مـخلـوقٍ يـشابـه لـمخـلوق
نـفسـي عـزيـزه مـاتحب المهازل
لــو إن قــلبــي يــمك يـهزه الـشوق
بس إحسب حسابك نهار المنازل
إمـا جـرحتك جرح مانيب مرزوق
بـينـي وبـينـك لـيه حـطيت عازل
هـارح مـراح إمـقيط وأنا ولد روق