بـــديــت تــلعــبهــا عــلى الــمكــشوف
يــاويـل قـلبـي مـنك يـاويـله
ذبـــحتــني يــا ضــامــر الــسرجــوف
مــعاد لــي حـيل ٍ ولا حـيلـه
واضــح كلامــك و الــهدف مــعروف
يـاهـون تـفسـيره و تـحلـيلـه
لايـــمكـــن الـــمعـــنى عــليّ ايــطوف
امـفتّح ٍ عـينـي و صاحي له
قـــلبـــي دلــيلــي و الــعيــون اتــشوف
برق الحيا اللي نرتجي سيله
صـــبري قـــضا يــالابــس الــنفــنوف
اخــيل بــرّاق ٍ ســرى لــيلـه
يــطري عــليّ اخــرج عــن الـمألـوف
تـــيّلــتنــي يــا تــيلة الــتيــله
ارســـل وابـــا ارســـلك بـــليّا خـــوف
صـاحـبك لا تـقطع مراسيله
لاتـــستـــمع فـــي الـــعاذل الــملــقوف
قـلبـه حـقود و مـسرجٍ خـيله
أنـــته مـــحلّك فـــي صــميــم الــجوف
قـلبـي فـتح لـك بـاب أوتـيلـه
في القلب لك عرضه و ضرب دفوف
مـن فـرحـته غـنّى مـواويـله
يــجرّ صــوتــه مــثل جـورج وسـوف
ويــلّحــن الــموّال و الـشيـله
اعــطف عــليــه و ســوّ بــه مــعروف
تــراه عـقبـك شـايـل ٍ شـيلـه