ســداح
قلبي يشيل من الغلا فـوق إحتمالـه
يوّن وأحبابه ما تدري عـن ونينـه
يا سيّدة سادات روحي .. وش بقاله
مدري متى عن حرّ مابه ترحمينه ؟
...
بمعاملتك أشوف شيّ مـن الجهالـه
أقولهـا ومرايـة الرجّـال عيـنـه
من يوم غبتي لا إتصال ولا رسالـه
والشوق يلعبّ بي على راحة يمينـه
"""""""""""""""""""""""""""""""""""""""""""""""""" """"""""""
تغيض الصدور وتمتلي بيـن حـال وحـال
لعـلّ الصـدوف اللـي ملتهـا تفضيّـهـا
/
تهاوا جميع ضلوعهـا مـا عليهـا أقفـال
يا ليت الذي منها طلـع مـا دخـل فيهـا !
/
طواري على ساق وقـدم رجلـي وخيّـال
تسابـق عليهـا ليـن تحكـم محانيـهـا
/
يا قلبي تـرا لازلـت طيّـب وعـال العـال
لـو أنّـك تكابـد ضيقـة ٍ مـا تدانيـهـا
/
يقولـون للأفعـال .. تظهـر ردود أفعـال
وأنا أقـول مـن خـرّب علومـه يسويّهـا
/
بعد ما أرسلت وأسترسلت موجة الإرسـال
خذيـت أول النـشـره وخليّت تاليـهـا
/
ليا عـوّد الرجّـال يخطـي علـى الرجّـال
واشيب الرجوله عقـب ضاعـت معانيهـا
/
لنا حـقّ لـو أنـه ورا الأعـور الدجّـال
نبـا نكحـل العيـن الكريمـه ونعميـهـا
/
يا عميّ تـرا حبّتـك ماهيـب حبّـة خـال
لكـن الله الله منـك يـا حبّنـي ليـهـا !
/
حزام البطوله كيف يسـرق مـن الأبطـال
ويسـري بـه اللـي فالمـدرّج يراعيهـا
/
بنينـا البيـوت العامـره وأحتمينـا الـذال
ورفعنـا البيـارق فـوق عالـي مبانيهـا
/
على الهون يافرعون ليـن أهـدم التمثـال
تذكّر عصـى موسـى ولا انتـه بناسيهـا
/
خذيت الوفاء غالي .. وبعت الوفـاء بريـال
جهـودك كبيـره ميـر خابـت مساعيهـا
/
وبعد شيّب الراسين .. راسك .. وراس المال
عسى الشيب يلحق من تصومـع بأذانيهـا
/
كلام العرب ثابـت ويغنـي عـن الأقـوال
يقولـون .. مـا للعـلّـه إلاّ مداويـهـا
"""""""""""""""""""""""""""""""""""""""""""""""""" """"""""""""""
النفـس ومّـاره .. والإنـسـان طـمـاع
والـشـرّ لــه بـيـن العـوانـي عـوانــي
وأنـــا لـيــا دوّرت لـلـقـاف مـطــلاع
إيـعـزت لـلـي مــا خبـرتـه عصـانـي
من فضـل ربـي يـا مضيّعـة الأسنـاع
أقولـهـا والـلـي حـرمـكـم عـطـانـي
يا اللي تدوبحها على روس الأكواع
الدوبـحـه .. مــا ســرّت الدوبـحـانـي
بضاعـتـك مــا بـيـن سـايــم وبـيــاع
بــادت تناقـلـهـا قـصــار اليـمـانـي
عـز الله انــك مــن خبيثـيـن الاطـبـاع
ولسانك أملس مثل ظهـر الحصانـي
أرفع عيونـك للسمـاء وأهبـد القـاع
ماعـاد لـك بيـن النشـامـى مكـانـي
ماهوب انا اللي يستلف مـدّة الصـاع
ويأخـذ مــداده مــن فــلان وفـلانـي
أهرج مع العاقـل بمنطـوق الإقنـاع
وأقرا على المجنـون سبـع المثانـي
وإلا انــت طـيـر ٍ لا بـلـع لقـمـتـه زاع
حتيـش لـو ريـشـك مــن الزعفـرانـي
عرضّـت وجهـك للواهـيـب ثــم مــاع
خلـه يميـع وشـوف لـك وجــه ثـانـي
وإليا كسبت إعجاب الامه بالإجماع
ماهـي غريـبـه معـجـزات الزمـانـي
زمّـر وقـل عـنـدي مفاتـيـح الإبــداع
وأعزف على المزمـار كـل الاغانـي
وااا قلبك اللي رابـض ٍ بيـن الأضـلاع
مــا راعــه إلاّ مـطـرق الخـيـزرانـي !
"""""""""""""""""""""""""""""""""""""""""""""""""" """"""""""""""""
ألـوّح لـك و أرحــبّ بــك وأهـلـيّ
علـى رجـوى المهـلـيّ مــا يـولـيّ
لـكـنّــه عــقــب مــــا هــــلاّ و ولاّ
حلـف مـا عـاد لا شـافـك يهـلـيّ !
تـمــرّه مـــا تـغــرّه لــــو تــمــرّه
قنـعـت ويــا كـبـر هـمـيّ وغـلّـي
تزحلقـنـي بضـحـكـه وأبتـسـامـه
وتعلقّنـي علـى دربـك وانــا الـلـيّ
تـخـيـلّـتـك و خـلـيّـتــك خـلـيــلــي
وتخلخـل حـبّـك بـدمـيّ يــا خـلـيّ
علـيّـه مـــن حـزامــي وإلـتـزامـي
ومــن قـولــي ومـدلـولـي ودلـــيّ
مـا أخـون العهـد وأبـوق الامـانـه
ولا أحــــب الـتـكـبــرّ والـتـعـلــيّ
أنــا مانـيـب عـاشــق شقلـبـانـي
يـحـجّ .. ولا يـصـوم ولا يـصـلـيّ ؟
غريـب أطــوار وطبـوعـي غريـبـه
أسـيّـر خـاطـري وآخــذ وأخـلّـي
ولا قــد قـلـت مـاشــاء الله عـلـيّـه
عسـى كـل الحبايـب فــدوة ٍ لّــي
فـي حـرب الـود صارعـت المحبّـه
وأثــرهــا لا تــكـــلّ ولا تـمــلّــي
عرفـت الحـبّ الاصلـي والتجـاري
وقلـبـي دولــي وصــدري محـلّـي
حـبـيـبـي لا تـقــاعــد ذكـريــاتــه
أدوّنــهــا ويـحـفـظـهـا سـجــلّــي
يجـي غيـره مـدام الـوجـد شـاغـر
ياليت اللي فطنّ لـي مـا فطـنّ لـي
يخـدم الشـوق مــن بــاب الوظيـفـه
وينسـى الحـبّ مـن بــاب التغـلّـي
يقـول ( أحمـد عمـر قـلـيّ ) يقـلّـك
وأقول ( أحمد عمر قليّ ) ما قليّ
سـوالــف مــــا يـخـالــف والله الله
شـهـر وأثـنـيـن والـثـالـث يـزلّــي
يحسب أني على هـاذي وهـاذي
عـلـيـل الـكـبـد والـقـلـب مـتـدلّــي
كـذا حالـي وانـا مـن دون حـالـي
ليـا ماجيـت كلـيّ .. رحــت كـلّـي
"""""""""""""""""""""""""""""""""""""""""""""""""" """"""""""""""""
يــا طـويـل الـعـمـر يـــوم انـــك تـبــادر
بالـحـلـول .. و ودك تــحــل الـخـصـومـه
/
لا يــجـــي للـمـشـكـلـه وارد وصـــــادر
الـمـواطـن لـيــه مـــا تـبـحـث هـمـومــه
/
الـخـزيـنـه فـايـضــه والـبـنــك هـــــادر
والبـلـد شـبـعـان والـنــاس أمـحـرومـه
/
والـحـكـومـه عــيّــت تــقــرّ الــكـــوادر
والــكــوادر شـيـبــت راس الـحـكـومـه
/
أكرمـونـا مــن كرمـكـم يـــا الـنــوادر
والله ان المغـتـنـي لا شــــحّ .. بــومــه !
"""""""""""""""""""""""""""""""""""""""""""""""""" """"""""""""""
الـحـبّ مـاعـاد نــدري وش نـسـوّي بـــه
مستعـمـر قلوبـنـا .. ويـطـقّ الأصـبـاعـي
يـسـطـي عـلـيـنـا ويسـلـبـنـا بأسـالـيـبـه
حاكـم ويآمـر وينهـى وأمــره مطـاعـي
يـا صاحبـي .. والغـلا صفـيـت مشاريـبـه
لا عاد تآكـل شقـاي وتشـرب أوجاعـي
أصـــارع الـشــوق .. وأوديّـــه وأجـيـبـه
وأن هزني قمـت أهـز لشوفـك شراعـي
مـن يـوم خشّـيـت قلـبـك قـلـت حـلـيّ بــه
لـكــنّ قـفــلّ عـلـيّـه حـــدب الأضــلاعــي
محـبّـتـك شـاركــت كــونــي بتـركـيـبـه
أصبح سماها سماي .. وقاعهـا قاعـي
أحـيـان أدوّر لعيـنـك قــاف أغـنّـي بـــه
وأحيـان اقــول القصـايـد مالـهـا داعــي
وفي كل الأحيان أشيل الحبّ وأمشي به
وإلاّ قصـيـدي عـسـى يـفـداك لا ضـاعـي
لازلـت شاعـر شبـاب وهاجـسـي شيـبـه
مـرّت عليـه اللـحـون أشـكـال وأنـواعـي
لا شـكّ شعـر الغـزل مـاعـاد يـحـري بــه
وشلـون ضـاق الغـزل وعيونـك وسـاعـي
فتّـح عـن الشكّـه .. وغمّـض عــن الريـبـه
عينـك رسـالـة غــرام ورمشـهـا سـاعـي
وقلّي مسـاء الخيـر والإحسـاس والطيبـه
بللّ عروقـي بصوتـك وأطـرب أسماعـي
وأن كان مديّت لـك كفـيّ .. لا تومـي بـه
وإلاّ ليـا أوميـت بـه .. لا تلـوي ذراعـي !!
"""""""""""""""""""""""""""""""""""""""""""""""""" """""""""""""