المشاركة الأصلية كتبت بواسطة ابن نما
صدق والله رئيس تحرير جوال الرياض
تذكرت قصيدة للشاعر الجميل علي سالم العازمي
يالله انك تجنبني طريق الحرام=ياكريمٍ لمرضاته نحج ونصوم
ياعظيمٍ دعيته تحت ستر الظلام=وافرج الضيق والكربات وأجل الهموم
طالت السالفه والعين عيّت تنام=والرجا والامل بيدين ربٍ رحوم
رحت شرق وجنوب ورحت غربٍ وشام=مالقيت الرجال اللي تسد اللزوم
كل مأنصى حدٍ كنه يغصب المقام=عاقدٍ حاجبه ضارٍ بحب الخشوم
غرته ضحكة الدنيا وجمع الحطام=غافلٍ مادرىأن الادمي مايدوم
لين صرت اتعداهم بدون احترام=لو عليهم بشوت وفي يديهم ختوم
ليه اسلم على من لا يرد السلام= ليه اجامل حيا وارفع مقام الرخوم
علمتني سنيني طول عشرين عام=واتعلم من الايام في كل يوم
وكل درسٍ بنى بين الحنايا خيام=ثابتٍ فالضمير وفي خيالي يحوم
واطرد الغيب ماأمل التعب والهيام=ولوتقل الموارد ماتموت العزوم
والردي ماجعلته فالشدايد حزام=اعرف اللي ليا مني نصيته يقوم
وانت يالايمي ماعاد فيها ملام=لعنبوها حياه ليا نسيت السلوم
ايه بعض الكلام يمر برد وسلام=مير بعض العلوم يصير فيها علوم
تحياتي لك سمو الذات ولمواضيعك المفيدة
صح لسان الشاعر, عزالله انه جابها في الصميم
بن نما الف شكر لك على المداخله والقصيده
الرائعه , جل احترامي وتقديري