|
انا زعلان على شعراء المنتدى بكل صراحه الذين مروا
يحــــفظ منـــهم العــــــدل في ودايـــعـــه
انا زعلان على شعراء المنتدى بكل صراحــة الذين مروا على القصيدة التي منها البــــــيت السابق والسبب انهم قد جاملوني على الكسر الموجود في القصيدة نتيجة نسياني كتابـــــة لفظ الجلاله في البيت السابق وعند مراجعـــة القصيده حصلت البيت السابق مكسور وبدأت افكر بيني وبين نفسي كيف يكون هذا البــيت مكسورعندي ولما قراءة البــيت مره ثانيـــــه حصلت لفظ الجلاله لم يكتـب والحقـــــــيقــــه المجامله في الشعر لاتعتبر في مصـلــــــــحة الشاعر ولذلك أنبـــه علـــــــــى الجمــــيـــــع. البيت بعد التعديل (يحــــفظ الله منـــهم العــــــدل في ودايـــعـــه ) |
ابو تركي طيب واللي يقرا قصيدك يعرف ان الكسر خطا مطبعي
مانت شاعر جديد والا من شعار الموضه انت شاعر وناقد |
انا لست من الشعار بس لو شفتها والله ماتروحبها
بس اللي يعذرني منك اني ما اعرف اوزان الشعر ولا كان يمديني مشغلن كل من في المنتدى |
ابوتركي بصراحه انت فوق النقد وكنا متاكدين انه خطاء املائي
لاغير تحياتي واحترامي لك تحباتب لك واحترامي |
ابو تركي والله ملاحضها لاكن لو نقدتك ما احد مصدقني
مره بغيت اسوي ناقد مع سعد بن عسير الله يرحمه وقلت يابو سعود ماكن بيتك هذا مكسور تدري ويش ردعلي قال قم شبلي النار وعطني المعاميل خلني اسوي قهوتي خل النقد عنك وبعد ما تقهوى قال تعال وين الكسر اللي تقوله وقلتله البيت قال اسمع حتى لو كان مكسور ما احد مصدقك ان سعد بن عسير يكسر البيوت وبعدين قالي غنها وغنيتها والا مافيها كسر بس كنت منقص جمله وبعدها عرفت ان النقد ليس لكل شاعر ابو تركي الشاعر له مرحله اذا وصلها حتى لو كسر البيت ما يعتبر كسر لآن ما فيه كسر فيه عجز عند المتلقي تحياتي لك يابو تركي |
ابوتركي انا والله اني لست بشاعر
ولكن احب الشعر خصوصاً شعرك والحمدلله الزعل ما يشملني لك تحياتي |
لأسف ان صدوركم ضيقة للنقد ولو قلنا
ترى بيتك فية كسر العبوا فينا بالرسايل الخاصة عموما أنا قرأت القصيدة وشفت الشطر هذا لكن قلت ناسي كلمة لأني أعرف حرصك ومقدرتك الشعرية ياابو تركي وصح لسانك لو تكسر الرؤوس خل البيوت |
الاخوان طلال سامي الرعد نياف سمو الذات صريــــــح
وقفت على ردودكم الجميلة وانا مقتنع فيها وليــــــــس القضية الثقة في الشاعر من عدمها القضية ان القصيده في منتدى على الشبكة العنكبوتية ويزوره الــــــكثـــــير من الناس من خارج القبيلة ولذلك يجب العنــــاية بكــــل ما في المنتدى خاصة الشعر و ينبغي التنبيه على حصول اي ملاحظة اقل شي برسالة خاصة لتعديل الـــملاحظــــة ولــكـم تحيـــاتي وتقــــديري وبــــيض الله وجـــيهـــكـــــم |
ابو تركي طيب واللي يقرا قصيدك يعرف ان الكسر خطا مطبعي
|
المشاركة الأصلية كتبت بواسطة فيصل الروقي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif ابو تركي طيب واللي يقرا قصيدك يعرف ان الكسر خطا مطبعي شكراً على مرورك العطر |
| +4. الساعة الآن 01:54 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط