|
صدفته وشفته
هذه الابيات موجهه لشاعر لمقحم بن حجيلان,,,
الــيوم يامــقحـــــــم صدفته وشـــــفته .. ريـــــم الـــــفلا اللي مارموه النواجيـــــل درهمت مع طرق الـضـــــــلاع ولقفته .. حرصـــــــن على شوفه قــبل يظلم الــليل لــيت الرياح العاتيـــــــه مــــــاصرفته .. عقـــــــب اعترض لي والجوازي جواديل حـــــار القدم فالماقف اللي وقفتـــــــه .. واخـــــــذتلي ساعه وانا احط واشيـــــــل ولولا حيايه كل عضـــــــو وصـــــفته .. وصف الخلاوي تالـي القاض لسهيـــــــل وانا يابو نواف عمـــــــري نــــصفته .. ماخذتلـــــــي جوله على شـــــاطي النيـل لوان مالي في نهر مصـــــــر لـــــفته .. عساه يحرق نصــه النجـــــــم ابو ذيــــل ودي بدعبن ترعى الارنـــــــب قطفته .. وعليه من نـو الثريــــا هــــــــــــماليــــل وتل القعود الزين وانفض شعفتـــــــه .. لياعطعط البسباس في مضـــرب السيـــل |
رد الشاعر مقحم بن حجيلان على قصيدة الشاعر نايف بن طلق
رحبت بالمكتوب ساعــــة كشفته .. يامرحبــا مــــن بـــد كــل الــمراسيـــل
دنيت بنـي واشقــــر البــن حفتـه .. وثلاثــــة الانــواع والرابــــع الهيــــــل والنوم عقب مراسل القرم عفتــه .. وش لون انام وصاحبي يشـكي الويــل يشكي من اللي لونها لـون بفتــه .. وسلاحــــها ســــود العيون المظاليـــل نايف يومنك في طريقـك صدفتـه .. وراك ماحطــــيت قدمــــه محــــابيـــــل حبلت لريــــم العطــر ثم خطفته .. وعــديــت بــــه في روس عال الاقاذيـل واليا لحقك اللي تخوف حسفـته .. صــــوت واجيـك اركض بخمسة رياجيل كــــل معــــه رشاش فل سعفته .. ومــــن عارض الــشجعات ذاق الغرابيل تعتاض في حظ تشكوى عجفته .. وعســــاك تسعــــد في الليال المقابيـــل يالشــــاعر اللي كل بحر غرفته .. تغرف بحــــر واسقيت روس الغرامــيل |
نايف صح لسانك وبيض الله وجهك وصح لسان مقحم
كلام جزل وشعر حقيقي يشرف اذا وضع في هذاالمكان تحياتي واحترامي لشخصك ولشاعريتك الواضحه |
صح لسانك ولسان مقحم ولاهنتت وتقبل احترمي 0
|
ابوطلق صح لسانك ولسان ابونواف
|
صحت السنتكم
يعطيك العافيه على ايراد المساجله |
نايف صح لسانك وبيض الله وجهك وصح لسان مقحم
|
نايف
صح لسانك وصح لسان ابن حجيلان ويلمت يمينك |
نايف صح لسانك شاعرجميل وجزل
وصح لسان ابونواف . يعطيك العافيه |
صح لسانك ولسان مقحم
وياليتك مادعيت على أهل مصر يالغالي |
| +4. الساعة الآن 09:30 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط