|
قـلبي غـدى حاتـم وحـبك غـدى ضـيف
السلام عليكم ورحمة اللة
للبداوة حق علي قصيدة قديمة وحبيت أشارك فيها عـديـت في رأس الطـويـل المـهايف ... ورجـلي مضريها برقـي المشاريـف من حرقة(ن) بين الضلوع النحايف ... تـشبـة لـنـار(ن) زودوا قـازها ليـف وياحن قلبي حن خلج(ن) صخايف ... مقهورها من صبح غاد(ن) ولا شيف تـجاوبـن بالـصوت هـن والـولايـف ... لـجّـن وهـجّـن وأسـتـدارن مـناكـيـف مـن سـبّـتـك يـابـو ثـمـانـن رهـايف ... تـوّي شـباب وصـاب عـقـلي تـخاريف أتـعـب على شأنـك ولا من خلايـف ...قـلبي غـدى حاتـم وحـبك غـدى ضـيف يـامـنــوتـي مـن بــد كـل الـعـفـايـف ... بـعـدك يـسـم الـحـال ومـقـابـلـك ريــف يابو وصوف(ن) فوق كل الوصايف.. يـعـجـز بـوصفـك مـن يـجيـد الـتواصيف الى نقـض شقـر(ن) سواة السفايف ... الـلي يغـذيـهـا بــوزر الـمشـاعــيــف ولـيـا نــثـرها فـوق نـاب الـردايــف ... يــضـيــع مـفـتـاح الـحيـل والتصاريف والـعيـن عـين الـلي مـذّير وخـايـف ... والـخـشـم كـنـّة ياسعـد شـذرة السيف وليـا أخـتلـط هرجة بحـمر الشفايف ... يـقطع وخـم رأسي بـحمض السواليف قـفّـى ولا تـنـفـع كـثـيـر الحسايف ... ومن عـقـب عرفـة صار ذكـره تـنـاتـيـف لاهـو بـمـغضـني ولا نـي بـعـايـف ... العـلم ...مـن دونة عـرض لي مـلاقـيف أتمنى أن ترتقي لذائقتكم |
صح لسانك يا صريح هذي ترتقي غصب
روعه تسلم هالشاعريه الجزله التي تتمتع بها كلي احترام لشخصك ولشاعريتك الله يحفظك .. |
ماشاء الله تبارك الله قصيده راقيه كرقي صاحبها صح لسااااااانك
|
.
. وكل الدعوى في المواقيف اللي عرضت من دونه ياصريح صح لسانك وجاد بيانك قصيدة تميل الى اللعب على المفردات البحر المسحوب ،، المعاني مبدعة جدااا ،،، لك تحياتي وتقديري اخوك : سلطان .. |
صح لسانك الله لايلومك ياصريح وتقولي مُبتدئ ابصم لك بالعشر ان هذي مايحبكها غير شاعر جزل شرواك يالأمير تقبّل إعجابي بهذه الجميله واعتقد ان فيه شطر لم يُكتب بشكل صحيح { خطأ مطبعي } وشكراً لك
ولـيـا نــثـرها فـوق نـاب الـردايــف ... يــضـيــع مـفـتـاح الـحـيـل والتصارف |
اقتباس:
صح بدنكم يالغالي واللة يجبر بخاطرك مرورك وسام شرف للقصيدة |
اقتباس:
صح بدنك الراقي مرورك العطر يالغالي |
اقتباس:
صح بدنك وفكرك وذكائك الغير مستغرب شكرا على مرورك الذي أعتبرة وسام شرف على صدر القصيدة |
اقتباس:
صح بدنك يالغالي صدقني مبتدء وغير مشهور ولا يعرف عني الشعر وهذة مجرد محاولات بسيطة شكرا لك يالأمير والملاحظة حرف الياء سقط سهوا شكرا لك يالغالي |
صح لسانك ياصريح شاعر جزل
|
| +4. الساعة الآن 12:49 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط