|
،، اشتعال ،،
يا بعد دنياي تسأل وفي عينك جواب ليش احرث ارض القصايد واشم ترابها لاتحرك جمرة الصمت يا سمح الجناب وانت طب الكية الموجعة واسبابها علني ما ابكيك ماملّت الروح انسكاب في قوالب نرجسيّتك يا سكابها خذ من اعماقي قصيدة وانا يا ابو الغياب شاعرٍ حملت الاقلام همّ اصحابها الكتابة حلقت بي على متن السحاب كيف يرويني مطرها وانا سيابها ! فاتني عمر الغرور وتجاوزت العتاب صرت سيد الكلمة المبهم وكتّابها لو حروفي مبهمة دون معناها حجاب عذرها بعض العقول وقفول ابوابها في رؤوس الجاهلين الطغم شر الدواب زمرةٍ تتبع رخوم العرب واذنابها والله اني ماحسبت لتجمعهم حساب انقر الدودة براس اصبعي ما اشقابها خلك فبستان ذاكرتي آمن لاتهاب مملكة فكري تولاك وانت اولابها يا عيون امي وابوي الهوى شعلة عذاب والشعر رمانة الجوف وانت احبابها دفتر ومجنون وعيون غاشيها الشهاب لاعبٍ فيها السهر والنجوم ادرابها كتلة احساس ومشاعر وضيقة واغتراب تحرق الوجدان (والنار من شبابها) دوزنة لاوتار شوق ولحن مثل الشباب لانطلق من حنجرة شايبٍ غنابها راح من عمره عمر وانكسر خلف السراب مالقى ارضٍ يكتب الشعر فوق ترابها . . |
اخوي سلطان قمة الابداااع...
لاعدمناك ولاعدمنا هطولك العذب... ننتظر المزيد.. |
يا سلآم عليك يبو ديما
ابداع لا حدود له ,, صراحه نتعطّش للجديد .. انت سلطان المراجل وسلطان القصيد قلتها قدم الخلايق , وانا رجل ٍ صدوق كل ما شفنا قصيده , طمعنا فالمزيد لا تصير بخيل .. وافرج عن اللي فالخفوق ^ ^ مجرد خاطره سريعه :) ننتظر الجديد يبو ديما .. |
ابوديمه صح لسانك والله لايضرك يامبدع
|
ويش نسويبك يا سلطان نقولك صح لسانك ما تكفي نقول مبدع ماتكفي مميز برضه ما تكفي
احسن شي نقول الله يلعن ما يعترفبك كشاعر ومثقف وراقي ابو ديمه امتعتنا والله بما كتبت لك الحب والتقدير والشكر على هذه الللماسه الفريده اخوك نياف |
المبدع سلطان مطلق عوض الغنامي
أبو ديما نعم نعم نعم هذا هو الشعر الحقيقي خذ من اعماقي قصيدة وانا يا ابو الغياب شاعرٍ حملت الاقلام همّ اصحابها راح من عمره عمر وانكسر خلف السراب مالقى ارضٍ يكتب الشعر فوق ترابها تقبل مروري الصريح |
الله الله
ياسلام الله لايحرمنا هالابداع وهالطله الي كل يوم تزداد توهجاً وجمالاً وشموخ.قامه فكريه كبيره جداً ملخصها . (سلطان مطلق) احترامي لك الله يحفظك ويعطيك حتى ترضى |
سلطان فوق الخيال وفوق الابداع وفوق الفلسفــة
ويكفي ان اقول ليس عندي شي اقوله حيث تعجز الحروف ويتوقف التفكيرمع هذا النص مع السلامه |
للابداع عنوان وهو يتمثل في شخص سلطان مطلق فشكرآ لك وصح لسانك
|
صح لسانك يا سلطان مطلق
|
| +4. الساعة الآن 11:55 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط