منتديات شبكة قبيلة الغنانيم الرسمية - ،، غـــــادة ،، من الأرشيف ،،

* وغادة ربما كانت طفلة ،، وربـــــــــمــــــا،، مــــــــــا :

تـشـيـكـتـي تـعـطـرتـي لـبـسـتــي طـرحــة الـزيـنــه
ضـحـك فـي خـدك الـنـرجـس وعـانـق طـرفـك الـخـجــلان

وجـيـتـي بـعـد هـالـغـيـبـه شـقـا عـمـري تـشـيـلـيـنـه
عـلـى فـسـتـانـك الـبـنـي تـحـطـم حـاجــز الـنـسـيــان

وشـفـتـي مـن عـلـى شـانـك وقـف يـنـثـر لـك سـنـيـنـه
تـوقّـع جـيـتــك فـجــأة وجـيـتــي تـحـرثـيــن احــزان

رجـعـتــي كـنــك بـلـمـحــة بـصــر ودك تـحـريــنــه
يـحـبـك وانـتـي بـصـدره غـرسـتـي خـنـجـر الـحـرمــان

وسـوى نـفـســه مـقـفّــي يـخــاف انــك تـخـزريـنــه
بـذيـك الـخـزره الـلـي تــودع الـدنـيــا لـهــب بـركــان

تــرك قـلـبــه عـلــى دربــك وامـانــه لا تـدوسـيــنــه
مـشـى هـايـم عـلـى وجـهـه يــردد يــا أمــل عـطـشــان

انــا فــي مـوقــفٍ مـحــرج ولا اظـنــك تـعـرفـيــنــه
اعـانـي مـن طـرف واحـد واعـايــش لـوعــة الـكـتـمــان

انـا فـي مـركــبٍ داخــل مـحـيـطــك مــا تـشـوفـيـنــه
وحـولــه تــرقــص امـــواجٍ تـــراود زلـــة الــربــان

انــا فــي عـالــمٍ ثـانــي وانــا وحــدي مـسـاجـيـنــه
وحـراسـي بـه الـمـنـطـق وحـبـي لـك هــو الـقـضـبــان

قـضـيـت الـعـمـر فـي حـبـك وحـب الـلــي تـحـبـيـنــه
نـقـشـت اسـمـك عـلـى وجـه الـزمـان بـريـشـة الـفـنــان

تـرجـلـت الـقـصـيـد الـلـي عـلــى مـدحــك تـحـديـنــه
وصـفـتـك لـلـمـلا فـجـر الـقـصـيـد وضـحـكـة الـرمــان

وصـفـتـك فـالـسـمـا حـرٍ سـهـوم الـمـوت فــي عـيـنــه
جـعـلـتـك مـعـجـزة عـصــرك ولا مـثـلــك ولا ءانـســان

وصـفـت بـالـجــدي وسـهـيــل و الــورد وبـسـاتـيـنــه
وسـمـيـتـك فـتـاة الـنــور واخــت الـعــود و الـريـحــان

ومـثـلـك مـا انـوجـد يـاحـلـوتـي فـالـمـمـلـكــة زيـنــه
ولا فـالـقـاهــرة مـثــلــك ولا فـالــشــام او لـبــنــان

ولا حـتـى الـعــراق الـلــي شــراب الـغـيــد نـهـريـنــه
ولا فـالـمـغــرب الاقـصــى ولافــي ســائــر الـبــلــدان

ويـتـعـبـنـي فـضـول الـنـاس مـن هــي؟ دربـهــا ويـنــه
واقــول بـغـصــة الـعـبــره خـيــالٍ زارنــي عــجــلان

احـس بـلـيـلــي الـقـاســي بـشــيٍ مــا تـحـسـيـنــه
يـمـر الـلـيـل و الـعـاشـق عـلـى كـوع الـنــدم سـهــران

كـتــاب اشـعــاري الـعاثــر لـصــدرك لا تـضـمـيـنــه
شـغـب تـفـكـيـري الـسـطـحـي ذنـوبٍ تـجـهـل الـغـفـران

دخـيـلـك و الـسـواد الـلـي عـلــى مـتـنــك تـفـلـيـنــه
دخـيـل الـغـرة الـلـي يـسـتـحـي مـنـهـا الـقـمــر لابــان

دخـيــل عـيـونــك الـكـحــلا ولـيـفــك لاتـلـومـيـنــه
صـبـابـة وانـتـفـاضـة شــوق وجــروح وشـقــا ولـهــان

تـقـول الـنـاس يـا (غــادة ) حــلاة الـهــرج فــي حـيـنــه
وانـــا لافـاقـدٍعـقــلــي ولاخــالــي مـــن الــوجــدان

حـشــى لـلــه مــن ظــنٍ واخــاف انــك تـظـنـيــنــه
لـك الـحـشـمـه لـك الـهـيـبـه لـك الـتـقـديـر و الـعـرفـان

واذا فـي خـاطـرك شــيٍ عـلــى الـسـمـعــه تـخـافـيـنــه
ابـحـرق بـالـجـمــر واكــوي لـســانٍ يـزعــل الـفـتــان

صـخـب كــل الـكــلام وعـاطـفــة شـعــري عـنـاويـنــه
يـاأول وآخــر احـبـابــي يــا ذكــرى مـالـهــا عـنــوان

تـزيـنـتـي قــرب مـنــك الـجـمــال وخـضّــب يـديـنــه
ضـحـك فـي خـدك الـنـرجـس وذاب بـطـرفــك الـنـعـســان

* من ارشيفي المتواضع ،،

تحياتي

سلطان