|
الرد على وحيد الجزيرة حول الجيب ...
يا مرحـــباً تسعة وتسعين تـــرحيب ... يـــا شــــاعرٍ عــــــده على جال هداج
جتنـــي مـــــــراسيله بليـا مـــناديب ... وعنيت خيلي صبح واسرجتها اسراج الـجيب شيـخٍ في جميع المـــواجيب ... عـــن تجربه ماهوب عن هرج هراج من جربه شطب على الغير تشطيب ... خــــصٍ ليـــا منـــــــك نهجتلك منهاج له سجةٍ تطفي جـــــــــديد اللواهيب ... لـــيا حصــــــــــلك فالبلد هم و ازعاج جـــاك الخبر من دون شكٍ ولا ريب ... هــــــــذا وإلي وقفه لوضعك ومعراج النــــــفس لو تعطى جميع المطاليب ... إلــــها مطـــــــامع تارد أفواجٍ أفواج فصــــل ثيابك فـــوق جسمك بترتيب ... كـــتان وألا مــــن حــــــــريرٍ وديباج لـــــــو كان تركب ددسنٍ فيه تهريب ... والبدي فيه ضروب والشاص منعاج مــــادام تقــــدر جنــــب الدين تجنيب ... إن كـــــــان فيها يا ابن غنام مدراج |
الله يبو تركي
عز الله عطيتني العلم الوافي لكن تدري علم محمد يرسل صورة البطاقه بجدد استمارة الددسن وبتجوٌد فيها . صح لسانك ولاهنت على هذه الابيات |
مــــادام تقــــدر جنــــب الدين تجنيب ... إن كــــــــان فيها ياابن غنام مدراج
وشورك وهداية الله بغيت اشري جيب الي انا ووحيد الجزيره بالدين ثم هونت بعد هالبيت :d لاهم الا هم الدين ولاسقم الا سقم العين صح لسانك يابو تركي |
الله ..... الله صح تركــــــــــــــــــــــــــي
|
الله الله
صح لسانك ياابو براك ودمت في حفظ الله ورعايته |
وحيد الجزيره ذياب بن غانم مخاوي الذيب سلمان العطاوي
مشكورين على المرور والتــــعلــــيق علـــى هذه الابيــــات |
.
. والله يا ابو تركي عطيته العلم الصحيح بس حمستنا وشكلنا نبي نتورط في الديون مادام الجيب مثل ماتقول سلم هذا الشعر وراعيه تحياتي لك اخوك :سلطان .. |
إبداع ليس له حدود يابو تركي صح لسانك وبيّض الله وجهك .. تـقبّل تواجدي هُنا
|
صح لسانك يابوتركي الف شكر على النصيحه
الجميله وتراها لكل الشباب .............تحياتي |
سلطان مطلق مبهم (عوض) سمو الذات مشكورين على المرور والتعليق وبيض الله وجيهكم .والبعد عن الدين مكسب يابو ديما
|
| +4. الساعة الآن 11:59 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط