عنيدي سالفه مادري موضوع
 

بسم الله الرحمن الرحيم

السلام عليكم ورحمة الله وبركاته


عساكم طيبين

عندي موضوع الي مده ودي اهرجكم فيه مار ماجت الفرصه

والليله نبا نهرج فيه يوم الله جمعنا الله يجمعنا على العز والمعزه

الملك جاي والعلوم زانه وتهامه مربعه

وابو رامي سمعت بعد انه في جده وليت ماقلوا انهم شافوه على البحر لابسن برموده وانا ابرا لله نوب اقول ماتجي علاه ونوب قول يسوبها

المهم لاننسا موضوعنا ياربعي فيه بعض الاعضا ينزل الموضوع ثم راح لايرد على الاعضا اللي شاركو في موضوعه ولاحتى يرد على مواضيع الاعضا الاخري

ثم بعد مده جا وسوا مثل المره الاوله

انتم وش رايكم حنا نعامله بالمثل والا نقول الرجال مشغول وليا تفرغ يبي يرد حتى على المواضيع المرسه


ولاتنسون موضوع البرموده توقعون ان ابو رامي يسويها

يا بو فيصل بعد التحية ... اقول ان العرب بضروفها .. ومن صدح معنا بموضوع هنا لابد له من الرد على الاخوان والاخذ بالراي والراي الاخر ..
وفيما يتعلق بالاخ ابو رامي تم تصويرة من قبل نظام ساهر وهو ينتهك حدود السرعة المفروضة وسوف يتم تنزيل الصور بالمنتدى للعبرة لا اكثـــــــــــــــر

هههههههههههههههه


هذا اهم شي التوثيق بالصور

شاكر لك مرورك لاعدمت طلتك

زانة علومك يابو فيصل العضو اللي ينزل موضوع ويروح ما يرد ممكن يكون عنده ضرف لآن بعض الاعضاء مشغولين ولا يجد فرصه الا لحضات وهذا معذور اما اذا كان العضو يقوم بأنزال الموضوع ومن ثم يبقى في المنتدى ولا يرد فهذا يعني لا مبالاه
ابو فيصل البرموده ما كنت ابا السه بس مسري علي الله يهديه لقيته هو والرعد والعبرود وسلطان مطلق مشمسين في ابحر الشماليه والحو علي البس مثلهم وما حبيت ازعلهم وجاريتهم والا انا تراني ما احب البس البرموده

ابو رامي

لاهنت على المرور والمشاركه


مار مسري انت خابره مايداني جده والشي كان درا انك لابس برموده والله ليحرج علاك شهر

الشيخ شرفني مرورك

وتعليقك

ابو فيصل موضوع جميل وفعلآ يحتاج الى مناقشته
العضو الذي يقوم بتنزيل الموضوع ويخرج من المنتدى لضروف هذا لاعتب عليه لآنه يمكن ان يكون وقته لا يسمح بالبقاء اكثر من ذلك ولاكن من يقوم بانزال الموضوع ويتجاهل ردود اخوانه الاعضاء ويتجاهل الرد على المواضيع التي يقوم الاعضاء الاخرين بالمشاركه بها وليس لديه ما يشغله ويبقى في المنتدى فهذه تعتبر عجرفه ولا مبالاه وهذا غير مقبول ويجب عليه ان يغير من هذا الاسلوب الذي لن يجلب له الا مزيد من المعامله بالمثل وهناك صفه يجب ان يتصف بها الجميع وهي التماس العذر للآخرين والضن بهم خيرآ فهي السبيل الى الحفاظ الى الروابط الاخويه .
نعود لموضوع البرموده
البرموده يابو فيصل ما كنت ناوي البسه بس الاخوان الله يهديهم الحو علي وقلت خلنا نجاريهم اليوكم العصر لقيت مسري علي وسلطان براك ومخاوي الذيب والعبرود والرعد مشمسين في ابحر الشماليه مع الخواجات وقالولي ممنوع تدخل الموقع الا اذا لبست برموده واضطريت علشان اجاملهم ومخاوي الذيب هو اللي اشتراه الي لاكن استر ما واجهت ولا تعلم الربع في الديره تراهم يدورون الفرصه

هههههههههههه

ابو علي حنا في عصر التقدم والسرعه


وابو رامي خابره رجالا شميط يمكن لقا البرموده اخف من الثوب

مار المشكله كان خلاها علاه ثم عود للحفر ويوم تذر الشمس وهو فالورشه

بالبرموده ويطالب العمال

والربع سارحين للمركز يشكون في حدث ثم يشوفونه وااللي فالمحطه يعبي بعد يعاين فيه


واللي جاين يبا التريله يتفرج