منتديات شبكة قبيلة الغنانيم الرسمية - (عفيف) في رحاب الشاعر سعود غنين الغنامي

بسم الله الرحمن الرحيم

السلام عليكم ورحمة الله وبركاته

اليوم حبيت انقل لكم اجمل ما تغنى فيه ابو ضيف الله
((عفيف ))
وصح لسانك

يا كثر ما تطري عليـه ليـا رقـت "

" يالي من اجلك كـل مبـدا طلعتـه

ذكرتني ساعة على القلب ما وقـت "

" ساعة دعاني لك ضميري واطعتـه

بديت في الخافـق نـواه وتورقـت "

" واصبحت حب(ن) فاقتي ما شبعتـه

عفيف ما دنس مباحك هل المقـت "

" وانا احتسبت الاجر فيك وطمعتـه

غايـه وبأمالـي عليهـا تسلـقـت "

" المستحيل وفيـه حلمـي صنعتـه

من يوم شفتك في سما الحلم حلقت "

" عقدت بك سيـر العـزوم وربعتـه

للشعر من قبل اعرفك ما تطرقـت "

" ولا قبلك احد(ن) فيه شعري بدعته

وامسيت نجم (ن) في سماي وتألقت "

" واصبحت انا الابداع منك ابتدعتـه

وكتبـت فيـك معلقاتـي وعلقـت "

" فيك الامل واليـاس دونـك قمعتـه

وعلى إيقاعك من سبات التعب فقت "

" ولبيـت لله النـداء اللـي سمعتـه

يأغلا طموح(ن) لأجل ما ناله انفقت "

" اغلا ثمن بسنيـن عمـري جمعتـه

وعلى سنينـي كانـي مـا تفوقـت "

" ومنه اللقب مهما يكـون انتزعتـه

اموت قبل يقال ذق مثل مـا ذقـت "

" من قاصر(ن) عن غايته بك منعتـه

من كثر حب التضحيه فيك ما اخفقت"

" لو قيمتك عربـون عمـري دفعتـه

عليك يهدر دم مـا يهـدر الوقـت "

" وسيف الزمن يقطع اذا ما قطعتـه

وانا عليك من ابعد اضنوني اشفقت "

" والعمر دونك ساعة السـوم بعتـه

وأسوأ احتمال ان كاني بك توهقـت "

" العاقبه فيك اجنـي الـي زرعتـه

وسلامتي تعنيك لـو مـا تحققـت "

" وعندي يقين ان الاجل مـا دفعتـه

منقول

تحياتي لكم

اخوكم