ياناشداً كيف حالي دوك خلفيّه
 

صباح/مساء الخير, من الأرشيف أحب أن أعرض عليكم هذه القصيده وأتمنى أن تَنال الإستحسان والإعجاب,


الحظ الأغبر رماني فالعضيليّه .. يأهل الوسايط دخيل الله راعوني
من شوفها صابني حالات نفسيّه .. من شافني قال هذا اكيد مجنوني
مسرى ومسراح ونوب بوقت عصريّه.. دواماً أقشر وناساً فيه غثوني
ملّيت أمش الدموع وملّت إيديّه.. وإليا نشدوني علامك قلت خلوني
داي الحسا والدوا عقب البجاديّه.. عفيف أبا شوفها بالله ودوني
معاد أبوحي هروجاً من حساويّه .. كبدي عليله ومنهم زادت طعوني
ياناشداً كيف حالي دوك خلفيّه.. عن حالة اللي نقل من نجد مغبوني
أمّه ودمّه وهمّه نجد والجيّه .. أبسط حقوقه نقل والبند قانوني

ههههههه الله يعينك على العضيليه والبعد والشقا
صح لسانك واعتلا شانك يالبناخي على هالدرر

صح لسانك
والله يجعلك تنقل اليوم بعد صلاة الظهر

صح لسآنك

واصبر ولك من الله المعونـهـ,,


الحظ الأغبر رماني فالعضيليّه .. يأهل الوسايط دخيل الله راعوني
من شوفها صابني حالات نفسيّه .. من شافني قال هذا اكيد مجنوني
مسرى ومسراح ونوب بوقت عصريّه.. دوماً أقشر وناساً فيه غثوني
ملّيت أمش الدموع وملّت إيديّه.. وإليا نشدوني علامك قلت خلوني
داي الحسا والدوا عقب البجاديّه.. عفيف أبا شوفها بالله ودوني
معاد أبوحي هروجاً من حساويّه .. كبدي عليله ومنهم زادت طعوني
ياناشداً كيف حالي دوك خلفيّه.. عن حالة اللي نقل من نجد مغبوني
أمّه ودمّه وهمّه نجد والجيّه .. أبسط حقوقه نقل والبند قانوني

الحظ من قبلكم مركي لي الكيّه
وأهل الوسايط على النكبآت قادوني

لكنّ دور لك امن الربع جاهيّه
ولا توقع ودوّر سير مدهوني

وأنته أفندي وعمّآنك أفنديّه
أشك ألهم الحال قدم أحد مسنوني

ثم جيت لك بالحسا وأعلقت مآريّه
على الحسآوي وربعه لا تحدوني

وسلامتك

مجرد مجاراه بسيطه :)

تحياتي لك ,

مبهم


مدام النقل مبني على بند قانوني حيل الله اقوي
صح لسانك مبدع كما عهدناك

بكيتنا يا مبهم وتقول من الارشيف ؟
هاذي ما هي من الارشيف من الي تحت العرض ودائمآ قيد الأجرى
صح لسانك وصح لسان عبدالله عنده نفس المعاناه وانا قايلله اشترلك دنه وافصل ولاكنه باقي عنده أمل