|
بديت بإسم الله الواحد مطالعها
سلام عليكم صبحتوا/مسيتوا بالخير جادت القريحه بهذه الأبيات وهي ليست موّجهه لأحد
بديت بإسم الله الواحد مطالعها.. مرسل محمّد وقبله رُسل مرسلها وأقول انا حاشماً نفسي ورافعها.. عيني على العاليه ماتنظر أسفلها لو كلّ كلمه من الجهّال أبتبعها.. أهين نفسي وأنقصها وأنزلها مقدّر النفس وأسعى في منافعها.. وأحاول أصدّها عن شي يزعلها أمارتن بالخطا مانيب طايعها.. على الردا مالله الخالق بجابلها والخوّه اللي مع الأنذال بايعها.. وش أطلب اللي علوم الطيب جاهلها أخاوي أهل الكرم وأفخر بمجمعها..لا أحتجت وقت الشدايد قالوا أزهلها أسج الأقدام والأميال قاطعها.. من شان ربعاً على الطاله منازلها والوقت كالسيف والأعمار يقطعها.. والخاسر اللي نسى الوقت وتساهلها تأكد إن عشت فالدنيا موادعها.. موعدك يوماً عقول الخلق يذهلها |
صح لسانك قصيده جزله من شاعر جزل وبيض الله وجهك والله يعطيك العافيه
|
أبو تركي صح بدنك وشهادتك شرف طال عمرك مرورك أسعدني يعلم الله.. و وجهك أبيض والله لايهينك يا أستاذنا
|
ما شألله يامبهم شاعر وعاقل
هذه الابيات اكثر من رائعه الله يعطيك العافيه |
ابو رامي الله يعافيك وماعليك زود وشهاده نعتز فيها ومن ناحية عاقل إن شاء الله ان كلبونا عقّال ...دُمت بوِد
|
صح لسانك ,ابيات الرائعه
لاهنت |
وحيد الجزيره صح بدنك والأروع من القصيده مُرورك العطِر .. لك تحيّتي
|
صح لسانك يامبهم شاعر جزل
|
صح لسانك يا المبهم .... شاعر رغم صغر سنك
|
صح لسانك واعتلا شانك قصيده جزله.....تحياتي
|
| +4. الساعة الآن 12:24 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط