|
ليادق سلفه ماطلع صوت صبابه
وجودي على اللي ما وقف قدمه الدلال= مديله جديد وصبغة البدي جذابه من المصنع اللي قام حظه وعهده طال= ليا دق سلفه ماطلع صوت صبابه يجاذب سراب البعد مع حزت المقيال= يباله ديار ن ساكنه خيرت أصحابه أبا أسج رجلي والليالي وراي طوال= وخلي جلوس البيت للي ورى بابه وأجنب وخلي مجلس" فيه قيل وقال= أخليه للي يستمع له ويشقابه وجيلي بحزم" مرتفع وأفتح الجوال= وهرج" ينزل قيمة الرجل مرضابه وأبا أمشي عزيز وعزت النفس راس المال= وأبا أنحرصديق" له صديق يتحفوابه ليا جيت جيت بمجلس" فيه كيف رجال= يزيل العماس وينشرح صدر شرابه وعلى جمر(ن) أشقر فوق حيده ثلاث دلال= وعود(ن) يفوح وتاعب" فيه من جابه صديق" على عسر الليالي ذرى وضلال= صديق" مثل راس الغويري تعزوابه |
صح لسانك يابو ممدوح هاذا هو الشعر على اصوله كفوووووووووووو
|
ماعليك زود يا عزيزي الرعد طال عمرك ودامت أيامك با السعاده تحياتي لك
|
صح لسانك يابو ممدوح
تقبل مروري |
صح بدنك أخوي طلال ومشكور على مرورك تحياتي لمقامك العزيز
|
صح لسانك اخوي الشاعر مبارك العتيبي
|
ابو
ممدوح انت ويش عندك مع السيارات كل قصيده فيها سياره مشكور جزل ولايستغرب منك الابداع |
ابوممدوح صح لسانك واعتلى شانك وبيض الله وجهك
|
يابو
تركي شريت لي جي أكس آر الفين وسبعه مواصفات خاصه وسافرت عليها مرتين ودعم بها واحد مامشت عشرة آلاف و دمرها و كانت عندي غاليه و لاتزال ذكراها و أنا رجال أحب الزين تقبل فايق أحترامي |
صح لسانك يبو ممدوح سجل اعجابي بقلمك
|
| +4. الساعة الآن 11:55 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط