ليلة خميس ونار الاشواق حيه
 

يا أجمل ما شافت عيني من المزايين
ادخل على الله لا تغلى عليه
من العشاء وانا مغير ادرج العين
وقرت بك عيون الوحيد الشقيه
وراك مستعجل ورايح على وين
ليلة خميس ونار الاشواق حيه
عليك من دهم المخايل ودادين
وتشم نفحات الورود الشذيه
كنك تبي تخطف قلوب المشقين
ثم ترمي الاجسام في المهمهيه
خذني معك في حزة العسر واللين
على ماقالوا خوتن عنجهيه
ياشبه وضحا سعرها بالملايين
في ذود من يكمل حقوق الرعيه
عودن منزحها عن الظول والضين
ترعي القفر في كل دعب ونحيه
يديرها مع فجة الصبح جيبين
وكلن يزود بسومته عن خويه
مدورين الزين للزين لاقين
والها على بكار الكبار افضليه
آلاد مشيب تدرج والقحاطين
والعود ماعنده على الباع نيه
لاهو بمحتاج ولا مطلوب في دين
عنده ثمنها اغلى من الفيصليه


نواف النصيف

عافاك الله وصح لسان قايلها

صح لسانك....

صح لسانك أخوي ضيف الله على القصيده
وأكيد بذلت عليهامجهود ونتمنا لك التوفيق تحياتي

صح لسان الشاعر
ومشكور ضيف الله