منتديات شبكة قبيلة الغنانيم الرسمية - قصيده لــ الشّاعر بدر ملوح الغنامي...

هذه قصيده لــ الشّاعر بدر ملوح الغنامي....

يااهل الجهام الي تبون المحادير
‏ قرب دخول الصيف والوسم راحي
لكن ردوها على شبك وشعير
‏ والرزق عند الي يدير الرياحي
يرسل لكم نوآ قنوفه مزابير
‏ نوآ سديدن في جميع النواحي
ياخذ له اسبوعين مايمشي السير
‏ وكلا يقول الصيف في نجد طاحي
ثم جت له البدوان تشعا المظاهير
‏ احدآ مع ابله واحد جاله متاحي
وهذا مع اتلاهم يدرج مصاغير
‏ وهذاك قد عشا وجا فالمراحي
واطيبهم الي ما يعرف المقاهير
‏ دايم مع اولها يرد الطياحي
وتجمعو في ديرتن كلها خير
‏ تنعم بها العرا السهيف الشناحي
ماحدرت سفوه اليا غثاه والنير
‏ ديره معطره النمش والرماحي
مدهال ذودآ مالها شكل مع غير
‏ عبدالله الفصام ولى الفلاحي
سود البكار الي تتل الجماهير
‏ على عواتقها العطاوي يلاحي
في شفها نرخص جميع المخاسير
‏ حتى لو ان الوضع سمآ ذحاحي
واستغفر الله واختتمها بتعبير
‏ صلو على من دلنا للفلاحي