السلام عليكم ورحمة الله وبركاته

اسعد الله اوقاتكم بكل خير

هاذي ابيات قليله مرثيه قلتها بعد وفاة عمي: القوين بن مشيلح الله يرحمه

وانا ماني بشاعر لكن هاضت القريحه واخليكم مع الابيات


مر الطريق ودمعة العين سالت

من شوف بيت غايبٍ عنه راعيه

منول ليامن فية العصر مالــت

له مجلسٍ تلقاه متمركـــــزن فيه

واليوم مجلاسه عليه استمالت

بنى عليه الطعس تذري ذواريه

ماكن به ناسٍ على الارض جالت

كنه خلا ماكن حيٍ وطا فيه

مرحــــوم يارجــــلٍ لبيتـــه توالت

كل العلوم الطيبه ماتخليه

قرمٍ ليامن الامـــــــــور استحالت

ماحدٍ كشف سره ولاحدٍ طمع فيه

وكان الليال السود شانت وهالت

خيره شمل ربعه وشره مكافيه

ليت المنايا يوم جات وتمالت

ماقربت حوله ولاجت حراويه

وختامها يامن له النفس آلت

تغفر لزلاته ورحمت تأويه


اتمنى تنال اعجابكم

وهذا مقطع صوتي للقصيده

[youtube]http://www.youtube.com/watch?v=ddscsVwWgLY[/youtube]

صح لسانك يابو ريم

ورحم الله القوين واموات المسلمين واسكنهم فسيح جناته

تقبل مروري