|
يوجعك بعض الشي وانت متعافي
دنياك فيها ميل واقفاي وأقبال وقتك من النكبات ماهوب صافي والناس من حالا" تبدل الى حال واليوم مايخفا على الناس خافي والى ارتكيت ارتك على راس رجال واترك هراميس الرجال الضعافي ماهوب راعي حيلت" فيك يحتال ولاهوب راعي نفعت" ماتشافي راعي جميل وللمواجيب جمال لو الحمول ثقال عنده خفافي ماله مع اللى ينقص الوزن منزال وافي وكل اللى يجي منه وافي والرفقه اللى مالها وزن وظلال مثل السحاب اللى خياله مقافي وعلى الخطا ياشين صبرك الى طال يوجعك بعض الشي وانت متعافي والوقت لو جاله صواديف تنزال بالمال والأ بالسيوف الرهافي والحق لو فى صاحبه ضعف الاهمال يلقاه ماتخفيه كثر السوافي ولايختلف فى كلمة الحق عقال الحق حق وكلمة الحق كافي والهرج تسمع فيه جزلات وهزال والوقت يضعف والسنين العجافي والناس تضربلك على الماضي امثال ولاينفعك فاالناس غير السنافي |
بيض الله وجهك يابو ممدوح
صح لسانك تقبل مروري وسجل اعجابي |
صح بدنك ياطلال ومشكور على المرور بعجابك تحياتى لك
|
صح لسانك يابوممدوح واعتلى شانك بس انت مبارك الي في قطر
|
صح بدنك سطام ومشكور على مرورك الكريم ونعم انا اللي في قطر تمنياتى لك بالتوفيق
|
.
. صح لسانك يامبارك معاني عظيمة وسبك جزل من شاعر جزل كل التقدير لك أخوك: سلطان .. |
صح بدنك اخوى سلطان ولك جزيل الشكر والتقدير تمنياتى لك بالسعاده
|
صح لسانك مبارك على هذه القصيده المميزه
|
صح بدنك اخوي سلطان وتشرفني شهادتك انت وشروآك وتمنياتى لك بالتوفيق
|
صح لسانك يا بو ممدوح شاعر متميز
|
| +4. الساعة الآن 11:55 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط