|
الا ياعيون اللي تذيّر عن الملقاف @ تعرف المرامي ماتجي في حراويها
اقدم لكم بعض مااحفظه من قصائد جدي المرحوم بإذن الله
الشاعر بطحي بن محمد بن غنيمه الغنامي وهي من القصائد المشهوره ومع الاسف ضاع الكثير منها ولم يتم توثيقها مما عرضها السرقه كغيرها من قصائد شعراء قبيلة الغنانيم وقد اخبرني احد الاخوان بأن بيت الوصف المكتوب في عنوان هذه الصفحه قد سمعه في قصيدة مشهوره لشاعر مشهور على مستوى المملكه ولا اعلم هل هي توارد خواطر وافكار ام سرقة خواطر وافكار؟ واليكم القصيده
بديت الرحا قدّام ذودي والدّ خلاف = يالآد العيون بصاحبي ويش مغريها تذكّرت خلّي ياثقل ، عادم الاوصاف = ذبحني بشقرٍ فوق الامتان ساديها الا ياحليّ اللي تذيّر عن الملقاف = تعرف المرامي ماتجي في حراويها تتّبع ليان الصيف في ربّة الاطناف = ليا عروجت يمّ الغزيّل يتلّيها وهذه قصيدة اخرى
لي صاحبٍ عود موز ولون خفّاني = ماودّي انّه يحول الليل من دونه ومن لديه اضافه او تعليق فليتفضل مشكوراانا رضيته وباق الناس مرضاني = ليته حصل بالعطا والا يبيعونه عهديبهم يوم عشّو جال دفناني = والبل على خف والمظهور يثنونه |
ذياب
تعودنا منك دوم على البيوت النادره بيض الله وجهك وصح قولك ومنقولك انا اذكر قبل اكثرمن 11 سنه كان واحد يغني قصيدة بطحي اللي يقول فيها عرض لي وانا في مسجدي واطلب المقسوم=وتركت الصلاه وجزت عن باقي السنه انا حالف ن منساك يابو ثلاث رقوم =لين العذارا طاري العرس ينسنه الا اخرها وعند ماسالته لمن قال هاذي للشاعر سبيعي قلت هذة للشاعر بطحي الغنامي وابطيت انا وياه في جدال لين اقنعته واكثر واحد سرقة قصايده هو بطحي |
رحم الله الشاعر بطحي بن غنيمه ونشجعك على ما تقوم به في سبيل توثيق قصائد بطحي وجمع ما تستطيع من الذين يحفظون بعض من قصائدة .....
|
مشكور يابو فيصل والقصيده اللي ذكرتها فيها اختلاف عند الرواه بعضهم قال انها لبطحي وفيه من قال
انها لابوه لمحمد بن غنيمه رحمهم الله وان كان تحفظ منها شي عطناها |
نسعى لذلك يامخاوي الذيب والله لايخيب جهدنا وشكرا على المرور
|
الله يعطيك الجنه ياخيّال الشرفا بطحي
من أشعر شعراء الغنانيم أنا مافحس كبدي ودبل تسبدي غير يوم حبيب ينسب قصيدته لجده بطحي قصيدته عليها وسمه محد يسرقها مع إن الناس تبغى لكن مثل الشمس واضحه وفاطري وان جات من مطلاع شمس |
السلام عليكم ورحمة الله وبركاته هذه بعض الابيات التي احفظها لبطحي رحمه الله .. انا صاحبي في الشرق ياطاه درب الحاج//على عقلةٍ مدهال عوج العراقيبي ابصبر ثمان ليال والصبر فيه إفراج //واطب حراج السوق وأبدي المراقيبي يشادي طفيل الريم وازين برد وحجاج// لاخضبت عشره زهن الكواكيبي وايضاً في قصيده اخرى وقد إشتهرت ومنها هذه الابيات : الاياسعد قم صل وإرم الحطب فالنار//تجهد وكلٍ سالمٍ من مخاسيره تجيب الطراقي والطراقي تجيب اخبار// تجيب الطراقي وكل طرقي بتقديره انا لي عشيرٍ حط وادي الجرير يسار// وخلا الجثوم مع ايمنه مع محاديره الايالعن ابو دارٍ ماهيب لعشيري دار//ومالي بدار عقبه لو تعاقب نواويره |
لفته جميله منك يا ذياب بن غانم وبطعي بن غنيمه رحمة الله عليه يستاهل من يحيي له تاريخه
كثيرآ ما تتعرض قصائد بطحي رحمة الله عليه للسرقه كما اسلف طلال فهناك قصيده معرضه اكثر من غيرها والمشكله اني ماعرفها كامله وسوف اورد منها بعض الابيات لعل هناك من احد الاخوه من يرويها لنا كامله ولا اعرف سواء مطلعها وبيتين من اوسطها وهذه القصيده لو رويت كامله اصبحة ماده جيده بين يدي اخونا نواف الغنامي للاعدادها للنشاد من احد الاصوات الجيده الا يا سعد قم صل وارم الحطب في النار ×××××××××× تجهد وكلش سالمن من مخاسيره الى ان قال والا يا عشيري حط واد الجرير يســـــــار ××××××××× وحط الجثوم مع ايسره في محاديــــره حداني على المنحا وانا ما اشته المحدار ××××××××× حداني وراحت تمشي الرجل في صيره القصيده طويله جدآ واكيد هناك من يحفظها كامله |
ذياب ابن غانم الله لا يهينك على قصايد المرحوم لان قصيده درر والمشكله ربعنا ماحفضو الهشي واكثره انسرق بس الي طلب نزل النا قصايد بدر ابن مدوخ
|
حياك الله يامبارك حمد
كلنا كبودنا ملهوده ولكن القصيده معروفه عند اغلب الناس مار قالها حبيب والا ماقالها سابقي جات من مطلاع شمس = من هل السيف مدري من ظفير ماحلا من فوقها نقل ام خمس = منوة العبد وارزاقه تسير الخ |
| +4. الساعة الآن 10:40 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط