|
رديه بيني وبين الاخ سطام ذايب الغنامي
يسعد جميع اوقاتكم بالخير والمسره ارسلت للاخ سطام ذايب الغنامي ابيات ورد علي فيها والمناسبه موقف حصل بيني وبينه .. اتمنى تروق لكم اقوووول :
(سطام لطام الخشوم العنيده)=شطراً حفظته لايق(ن) بك ويزهاك قرم(ن) ولد قرم(ن) علومك فريده=والله وسبع انعام لاحل طرياك إقبل تحياتي وهاك القصيده=والعذر منكم لاحصل علم يشناك جدك مروي حربته من ضديده=وابوك ذايب نعم واللاش يفداك وانته على درب المراجل وليده=عسى الولي من شر الايام يحماك رد ابو ذايب :
حي الجواب وحي راع النشيده=وحي الاسم وحي يالحر يمناك الطيب يأخذ منك وانته تزيده=والنعم عندك من بغاها تنصاك يامرحبا باللي لفى بالجديده=علمك ترى غانم وطيبك ومجناك ابوك حاش الطيب ورباه بيده=يالله ترحم من على الطيب رباك فالح على اسمه بالعلوم المجيده=يالله عسى تدخله جنات مثواك وسلامة قلوبكم تحياتي |
يعطيك العافية
|
جهز العطاوي صح لسانك وصح لسان سطام ذايب
ابوك حاش الطيب ورباه بيـده يالله ترحم من على الطيب رباك فالح على اسمه بالعلوم المجيده يالله عسى تدخله جنات مثـواك أمين أمين الله يرحمه ويسكنه الفردوس الأعلى من الجنه |
مخاوي الذيب الله يعافيك
اسعدني تواجدك العذب اجمل الود ..! |
ابو اياد اللهم آمين
وصح بدنك يالغالي اسعدني تواجدك العذب اجمل الود ..! |
مشكور ولا تحرمنا من جديدك يامبدع
|
مشكور أوخي ع الموضوع الرائع والله يعطيك العافيه
وتقبل مروري |
| +4. الساعة الآن 11:35 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط